TOP

Lwaki toyagala kwegatta?

By Musasi wa Bukedde

Added 18th September 2018

Ate okomawo ng‛obudde bugenze, kati yeebuuza obaomulimu gw‛okola gwe guleese embeera eno. Kati alowooza edduuka lye yatandika alikuggyeko obeere awaka. Anti n‛omwana tokyamufaako era bw‛okomawo tofaayo kumanya bwe yasiibye.

Newsengalogob 703x422

OMWAMI waffe yankyaliddeko n‛ambulira ebigambo ebitansanyusizza. Nti ennaku
zino toyagala kwegatta naye ebiseera ebisinga owoza nti oli mukoowu.
 
Ate okomawo ng‛obudde bugenze, kati yeebuuza obaomulimu gw‛okola gwe guleese 
embeera eno. Kati alowooza edduuka lye yatandika alikuggyeko obeere awaka. Anti n‛omwana tokyamufaako era bw‛okomawo tofaayo kumanya bwe yasiibye.
 
Mwana wange nsuubira nti omwami waffe okukukkiriza okukola yali ayagala naawe
ofune ku kasente akako. Era ng‛ayagala ennyingiza mu nnyumba yeeyongere.
Naye kati ate bw‛otandika okwerabira obuvunaanyizibwa bw‛amaka omusajja yenna
kimuyisa bubi.
 
Kati mwana wange ate obukoowu obuggya wa? Kubanga mu dduuka otuula butuuzi ate nga bwe wasiibanga awaka ng‛okola emirimu mingi naye nga munno omusanyusa bulungi.
 
Kati ate mu kutuula ogamba nti okooye. Ate mwana wange kirabika bubi omwami okukusooka awaka. Olina okugezaako okulaba ng‛omusooka awaka omutegekere agende okutuuka nga buli kimu kiri bulungi.
 
Kino tekitegeeza nti buli kintu gwe olina okukikola, naye olina okulambula omukozi
by‛akoze okulaba nga ddala gwe mutindo munno gw‛alina okukuuma mu mmere n‛ebirala.
 
Ate ebimu olina okubyekolera ng‛omukyala awaka. Kati omwami waffe agamba nti ayagala oddeyo obeere awaka kubanga eby‛awaka wabyerabira.
 
Mwana wange olina okukyusamu ku mbeera, kubanga omwami waffe si musanyufu
n‛akamu. Ate eky‛omwana nakyo kikulu, oyinza otya okwerabira omwanawo?
Okukola tekitegeeza kwerabira zadde.
 
Mwana wange obuzibu bw‛okukola mbulabye mu bakyala ab‛amaanyi abeerabira obuvunaanyizibwa. Kyusaamu ofune obufumbo obw‛emirembe.

More From The Author

Emboozi z’omuwandiisi endala

Emboozi endala

Pata 220x290

Babakutte balimira mu kibira ky’e...

OMULAMUZI akulira kkooti ento e Masaka, Deogratious Ssejjemba yeesitudde n’agenda e Kasanje mu ggombolola y’e Kyesiiga...

Mate 220x290

Babakutte balimira mu kibira ky’e...

POLIISI y’e Mpigi ngeri wamu n’abakulira ekitongole ky’eby’ebibira mu ggwanga ekya National Forest Authority (NFA)...

Gano 220x290

Omugagga asenze ebintu bya Klezia...

KLEZIA n’abatuuze abalina ebibanja ku kyalo Nkakwa mu ggombolola y’e Ssi - Bukunja mu disitulikiti y’e Buikwe,...

Wanga 220x290

Obwaddereeva buliko emyaka gy’otolina...

OLUVANNYUMA lw’Omulangira Phillip bba wa Kwiini wa Bungereza, Elizabeth okufuna akabenje ng’avuga mmotoka ku myaka...

Baka 220x290

Emmotoka ezikwamidde ku mwalo e...

MMOTOKA za Bannayuganda ezigwa mu ttuluba ly’ezo ezaawerebwa obutaddamu kuyingira mu ggwanga eziri ku mwalo gw’e...