TOP
  • Home
  • Ssenga
  • Bwe namukyawa n’ampendulira mikwano gye bansobyeko

Bwe namukyawa n’ampendulira mikwano gye bansobyeko

By Musasi wa Bukedde

Added 10th October 2018

OMUSAJJA gwe nasookerako yandaga obuyaaye n’atuuka n’okumpendulira mikwano gye bansobyeko. Nze Daphine Namboga 19, mbeera Maganjo.

Yoyo 703x422

Twasisinkana naye mu kimu ku bifo ebisanyukirwamu e Katooke mu Ggombolola y’e Nabweru mu Wakiso ne tusiimagana.

Yandaga gye yali akolera. Yali atunda mu dduuka e Kawanda era nga gy’abeera ate nze nga mbeera ne mikwano gyange.

Yantwalanga mu bifo ebisanyukirwamu ne tunyumirwa obulamu nga n’olumu amanyi okuntonera ebirabo wamma ne ndabira ddala nti nafuna omutuufu.

Okutwaliza awamu yali tanjuza naddala mu by’omukwano.

Ewuwe n'agendangayo okumubeesabeesa n’okumuyambako ku mirimu ng’okumwolezaako engoye, okugolola n’ebirala. Lumu nagenda ewuwe nga sisoose kumukubira ssimu ne nsangayo omukazi.

Omusajja yali taliiwo wabula olwali okuyingira ennyumba, omukazi yatandikirawo okunvuma n’okumbuuza kye nnali njagaza bba.

Waayitawo ekiseera kitono n’omusajja n’akomawo awaka n’atandika okwekazakaza nga bwe yali akyazizza mwannyina ggwe yali tandagangako.

Eky’okukolera omusajja kyambula ne ntambula ne mmuviira. Kyatutwalira omwezi mulamba nga tetuwuliziganya kuba nali nsazeewo okumwesonyiwa.

Yaddamu n’ankubira essimu nga yeetonda ku ngeri gye yali yeeyisizzaamu. Omulundi ogwaddako okusisinkana era n’amukyalira mu maka ge nga bwe nateranga okukola.

Kw’olwo twamala naye akaseera katono n’antegeeza nga bwe yali alina w’agendako n’ansaba mugumiikirizeeko.

Nga wayise ekiseera kitono, egimu ku mikwano gy’omusajja gyakonkona ne ngiyingiza mu nnyumba.

Olwali okuyingira gyatandikirawo okunkolako effujjo nga bankwatirira nga baagala kunkozesa ku kifuba.

Nakuba enduulu ab’emiriraano be banziruukirira ne bantaasa ku bavubuka.

Omusajja olwali okulabikako n’anneewaanirako ekyandaga nti yali mu lukwe. Wano we namwesonyiyira era ne nsigalira kukola mirimu gyange.

More From The Author

Emboozi z’omuwandiisi endala

Emboozi endala

Joycenakiryannamwanduwakasoziabaanabeyazaalagwebagobawebuse 220x290

Abaana bagobye nnyaabwe mu maka...

Abaana bafuuyidde ebirime bya nnyaabwe n'okumugoba awaka okutuusa ng'abawadde ekyapa kya kitaabwe

Kazimba8webuse 220x290

Ssaabalabirizi omulonde Dr. Stephen...

Ssaabalabirizi omulonde, Dr. Stephen Kazimba asuubizza okusigala ng'assa ekitiibwa mu Bwakabaka bwa Buganda

Embuutu1 220x290

Ekivvulu ky’Embuutu y’Embuutikizi...

Buli ayingira mu Mbuutu y’Embuutikizi ajja kuvaayo n’ebirabo.

Kapyata1 220x290

Baminisita b’e Mmengo babayiyeemu...

BAMINISITA ba Kabaka baayiriddwaamu emmotoka ensajja okubanguyiza emirimu gy'Obwakabaka. Kyategeezeddwa nti emmotoka...

Hoima 220x290

Amasasi ne ttiyaggaasi binyoose...

POLIISI yakubye amasasi ne ttiyaggaasi okugumbulula abawagizi ba Asinansi Nyakato avuganya mu kalulu ku kifo ky’omubaka...