TOP

Eyanzaalamu akinkoze...

By Musasi wa Bukedde

Added 19th October 2018

NZE Leeya Negesa 35, nga mu kiseera kino mbeera Kisubi mu Kato Zooni. Twalabagana ne taata w’abaana mu 2010 era Mukama n’atuwa ezadde ly’abaana mukaaga kyokka nga bonna okubazaala omusajja yajjanga nga bwe nfuna olubuto ng’adduka.

Kola 703x422

Omusajja nali ηηenze kugula binywebwa ku dduuka ne musanga n’aηηamba nti anjagadde.

Mu kiseera ekyo nalina emyaka 20 naηηamba nti aludde ng’andaba era ng’anjagala nange kwe kumukkiriza kubanga nali nkuze ate nga sisoma.

Nakkiriza ne tukola amaka ne nfuna olubuto olwasooka ne nzaala bulungi. Waayitawo akaseera ne nzaala omwana omulala kyokka awo taata w’abaana omulimu ne gugootaana.

Nnali ntunda cakalacakala ku kkubo okutuusa mu 2016 embeera bwe yatabukira ddala nga ndwadde.

Nali lubuto lwakusatu ne ηηenda mu ddwaaliro okufuna eddagala ne bankebera nga nalwala akafuba. Olwokuba nali sikyalina buyambi naddala ekyokulya, eddagala lye bampa nalimirira emyezi ebiri ne ndivaako nga limpisa bubi.

Omwana wange omu naye akafuba kaamukwata kubanga we namuzaalira nga ndi mulwadde naye nga sikimanyi.

Kino kyayongera obulamu okukaluba kuba omusajja yali yadduka dda. Twatandika okugenda nga nsula buli wantu, abazirakisa bansuzaako mu buli kye basobola n’abamu okunsuza okumala akaseera era bwentyo bwendi n’abaana bange.

Taata w’abaana musajja nzaalwa y’e Congo, sirina muntu we yenna gwe mmanyi kuba yali yansuubiza okuntwala ewaabwe nga tumaze okuzaala naye kati simanyi waakutandikira.

Nzaalibwa Bulambuli naye ntya okuddayo kubanga embeera si nnungi, enkuba bw’etonnya ng’ettaka libumbulukuka kyentya nti liyinza okunzita n’abaana bange.

Ndi mwetegefu okukola ne nneebeezaawo n’abaana bange ssinga mba nfunye omulimu.

Omwana omu (ow’emyaka 4) yalwala, olubuto lwazimba ne mutwala e Mulago mu mwana mugimu ne bamuggyamu amazzi.

Abalongo abato ba myezi mukaaga kyokka amabeere baagazira kubanga mwali temuli kye bayonka kati ngabirira bagabirire. Embeera mbi ddala.

Neetaaga obuyambi era yenna aba asobodde ndi ku ssimu nnamba; 0757533362.

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...