TOP

Waliyo eddagala eritta obusajja?

By Musasi wa Bukedde

Added 30th October 2018

OMUKAZI bw’aba yanzita obusajja nsobola okufuna eddagala?

Newsengalogob 703x422

OMUKAZI bw’aba yanzita obusajja nsobola okufuna eddagala? Ye eriyo eddagala eriziyiza omukyala obwenzi? Naasanyuka ng’onzizeemu.
Nze Mbayiwa Miller.
 
Mwana wange ekisookera ddala abakyala b’edda sigaanyi baayendanga naye nga kiba
kyama kya maanyi, era nga batuuka n’okuzaala omwami n’akuuma ekyama ekyo nga
tayagala maka ge kuswala.
 
Naye ennaku zino, kyannaku nnyo nti abakyala era n’abaami bakola obwenzi nga
tebafudde ku maka gaabwe era n’okuswala.
 
Nga tonnanoonya ddagala lya bwenzi olina okusooka okwebuuza lwaki mukyala wange ayenda oba kiki ekisobola okumuleetera okwenda. Kubanga ennaku zino emikisa gy’omukyala okwenda mingi kubanga abasinga abalowooza nti tekirina buzibu era
kifuuse kya bulijjo.
 
Okusookera ddala ng’olonda omukyala twala obudde ng’onoonya era nga weetegereza. Ennaku zino abakyala bangi bayingira obufumbo naye nga ddala si bafumbi.
 
Okwetegereza kuyamba okumanya oba ddala otwala omukyala nga mufumbi oba otwala musuubuzi. Anti ennaku zino n’obufumbo abamu babutwala nga bulinga obusuubuzi.
 
Ekirala ennaku zino abakyala abamu batunuulira nnyo ebyenfuna era baagala nnyo ssente. Kati bw’otwala omukyala bwati mu bufumbo manya nti omukisa gw’okwenda munene kubanga ayagala ssente era bwe zibula ewuwo era alina okuzinoonya.
 
Ekirala, n’abasajja oluusi tebatuukiriza buvunaanyizibwa bwabwe era omukyala
omwezi bw’alabawo ggaapu alina kwenda afune ky’ayagala.
 
Mpozzi n’ekirala abakyala ennaku zino bakimanyi nti omusajja alina okumatiza
omukyala. Kati mu kisenge ebintu nga tebigenda bulungi weesanga ng’omukyala anoonya w’asobola okufuna omuntu amumatiza.
 
N’ebirala bingi ebiretera omukyala okwenda. Naye omukyala nga mufumbi ng’alina obugumiikiriza tasobola kwenda kubanga akimanyi nti kiweebuula amakage era
n’omwami we era nebazadde be.
 
Obwenzi si bulungi mu maka. Nze sirina ddagala liziyiza mukyala kwenda wabula nkuwa amagezi nti olina okwetegereza omukyala gw’owasa kubanga abamu si bafumbi era obwenzi tebakiraba nga kizibu mu maka. Noolwekyo weegendereze.

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...