TOP
  • Home
  • Ssenga
  • Baze yansuulira abaana alabirira ba balala

Baze yansuulira abaana alabirira ba balala

By Musasi wa Bukedde

Added 8th November 2018

Baze yansuulira abaana alabirira ba balala

Sek2 703x422

NZE Eunice Natukunda 31, nzaalibwa Rukungiri naye kati mbeera Kamwokya Kifumbira.

Eno gye mbadde mbeera ne taata w’abaana wadde kati emyezi ena yadduka n’andeka mu nju n’abaana babiri.

Twalabagana ne taata w’abaana emyaka kati 10 era nga buli kimu kitambula bulungi. Wakati mu mukwano gwaffe, Katonda yatuwa abaana babiri naye omukulu nga talina binywa era abadde ku bujjanjabi e Mulago. Eky’ennaku, taata w’abaana yafuna omukazi omulala eyamusigula n’ansuulawo n’abaana nga kati sikyafuna bujjanjabi bwa mwana waffe kyokka omusajja ono annumba ne mukazi we ne banvuma n’okunkuba.

Taata w’abaana avuga mmotoka (kosita) ku luguudo lw’e Gayaza ku siteegi y’e Mpereerwe kyokka nga kati abeera Kiteezi gye yafuna omukazi omulala kati alabirira baana batali babe ng’ababe babonaabona.

Baze azaalibwa Mbale Butalejja era mu bazadde be nagendayo bannyambe naye nabo tebalina kye bannyambye. Landiroodi kati yangobye mu nnyumba kubanga tumaze emyezi ena nga tetusasula.

Nagenda ne nzigulawo omusango ku poliisi ku fayiro nnamba SD/Ref/25/05/06/2018 ne bayita baze ampe obuyambi ne yeeyama okumpanga 50,000/- buli wiiki okundabirira n’abaana kyokka byakoma mu bigambo.

Yasuubiza okumpanga obuyambi naye byonna sirina kye ndaba nga tetulina na kyakulya. Nandibadde nzira ewaffe gye nzaalwa naye maama wange yafa ate nga n’embeera si nnungi ewa taata. Kati njagala kufuna mulimu nga gunsobozesa okukola n’abaana bange kubanga bato omukulu wa myaka etaano ate omuto wa myaka ebiri, kale neetaaga okuba nga mbeera nabo oba nga mbeera kumpi nabo.

Alina omulimu oba obuyambi bwonna nkubira ku ssimu nnamba 0782734305 oba 0702480962. Ndi mwetegefu okukola ssinga mbeera nfuna omulimu kubanga nkooye okusabiriza baganda bange abaludde nga bandabirira okuva omusajja lwe yandekawo. Nsaba Minisita Nakiwala Kiyingi annyambe ku musajja ono tumukwate kubanga abasajja bagufudde muze okutuzaalamu abaana ne batulekawo.

More From The Author

Emboozi z’omuwandiisi endala

Emboozi endala

Hip2 220x290

Olunaku lw'okuyonja akamwa lukuziddwa...

Olunaku lw'okuyonja akamwa lukuziddwa e Kayunga

Gat2 220x290

Abagambibwa okutigomya Matugga...

Abagambibwa okutigomya Matugga Poliisi ebakutte

Gata 220x290

Atutte malaaya ku poliisi lwa kumumma...

OMUSAJJA atabuse ne malaaya gwe yaguze okwesanyusaamu n’amutwala ku poliisi oluvannyuma lw’okumulumiriza okumuwa...

Tamale11 220x290

Mabirizi atutte Tamale Mirundi...

MALE Mabiriizi atutte Tamale Mirundi mu Kkooti Enkulu olw’okumulebula bwe yagamba nti minisita Kuteesa yamukozesa...

Kwasa 220x290

Enguudo ezibadde ziyimbya Bannakampala...

ENGUUDO ssatu ezimaze emyaka nga zikaabya bannakamapala KCCA ezikwasizza kkampuni ezizikola era omulimu gutandise....