TOP
  • Home
  • Ssenga
  • Ebituuse mu bantu mu mukwano: Omusajja anzirira emmere

Ebituuse mu bantu mu mukwano: Omusajja anzirira emmere

By Musasi wa Bukedde

Added 6th December 2018

NZE Josephine Kabagumya 22, mbeera mu Zooni 7 Kiwuunya Makerere Kikoni A mu muluka gw’e Kawempe. Twasisnkana ne baze e Kasubi mu 2011.

Wa 703x422

Nnali mbeera mu bazadde bange nga nkyasoma. Baze yankwanira omwaka gumu era natuuka ne mmukkiriza okusinziira ku mukwano gwe yajja nagwo gye ndi ne bye yampaananga nti nze nsinga obulungi mu nsi.

Ebigambo bino byampaliriza n’okubula awaka nga mpulira sikyayinza kuba w’atali.

Nava mu ssomero ne tupangisa omuzigo mu Makerere gye twatandikira obufumbo bwaffe.

Nga wayise ebbanga, nafuna olubuto lw’omwana asooka ne mutegeeza era nasanyuka. Natuuka okuzaala nga tukwatagana bulungi.

Nga wayise emyaka ebiri, nafuna olubuto olwokubiri era ne ntegeeza baze nti nsuubire agenda kundaga essanyu lye yandaga ku mwana eyasooka bannange ku luno kyali kirala.

Baze yatabuka butabusi n’ankuba katono olubuto luveemu nga takyampa na buyambi waka nga bwe yakolanga ne nsigala kwebuuza kyatuuka ku baze.

Nakizuula luvannyuma nga baze yafunayo omukyala omulala era nga ye yamuwanga amagezi okumpisa obubi atyo.

Yatuuka ekiseera na ndagira olubuto nduggyemu naye ne ηηaana kuba omwana wange mmwagala.

Nasigala nkola buli kimu ng’omukyala awaka. Ekyasinga okunnuma nga mugya wange ye tayoza era nga bwe ziwera ng’azisitula ng’azireeta ewange nga njoza.

Ebyo nnali mbigumidde, baze n’atuuka ekiseera ng’anziririra emmere era nga bw’akomawo ne mujjulira emmere ne ngimuwa ng’agikwata n’aginjiira ate bw’aba caayi n’amuyiwa n’ankasukira ekikopo.

Okusinziira ku mbeera eyo, natuuka ekiseera ne nejjusa ekyanzigya mu ssomero naye nga sikyalina kye nziza.

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.