TOP

Ettamiiro lya baze limuntamizza

By Musasi wa Bukedde

Added 7th December 2018

OMUSAJJA gwe nafuna assussizza ettamiiro n’atuuka n’okwerabira obuvunaanyizibwa bwe awaka. Nze Jackeline Kunihiira 27, Mbeera Salaama Munyonyo.

Liki 703x422

Kumihiira

Twalabagana ne munnange kati emyaka ena. Okunkwana yansanga mu katale ka USAFI gye nnasiikiranga cipusi.

Olw’omukwano ogw’ekimmemmette gwe yandaga nga twakasisinkana, nalowooza nti osanga Mukama ayanukudde essaala yange ey’okumpa omusajja afaayo. Ate nga simulabamu muze gwonna.

Naye nga bwe bagamba nti nawolovu tafi ira ku bbala limu, ne baze yatandika mpola okukyuka mu mbeera ne mu mpisa olwo ng’atandise okudda amatumbibudde ate ng’atamidde.

Naye olw’okuba nnali mmwagala okukamala, saasooka kukifaako nga ndowooza nti osanga munnange anaasobola okwepimira omwenge gw’anywa n’asobola n’okutuukiriza obuvunaanyizibwa bwe ng’omusajja.

Nga bwe baagereesa nti ekiwoomereze kizaala enkeenku, wenjogerera bino baze yafuuka waddanga omwenge yagufuula mmere ya buli lunaku. Ssente zonna z’afuna aba alowooza kuzinywamu mwenge.

Kati awaka yafuuka kifaananayi kuba tewali kyatuwa era nze ntetenkanya ng’omukazi mu ssente entono ze nfuna mu kutambuza eby’okunywa nga sooda n’amazzi bye ntundira ku City Square ne ndabirira muwala wange kubanga omusajja obuvunaanyizibwa bwonna yabundeekera. Omwana ne bw’alwala, aba tayagala kumanya.

Nzijjukira KCCA bwe yankwata enfunda eziwera nga ntambuza sooda ne bantwala e Luzira enfunda bbiri.

Eno namalayo wiiki bbiri naye omusajja teyalinnyayo mu kkomera kundaba ate nga yali akimanyi.

N’okutuusa kati neebuuza ddala ono musajja ki atafaayo wadde nga munne afunye obuzibu! Kati ndaba mulabe ne bw’aba awaka, sikyamulinamu ssuubi.

Mu butuufu simanyi kyakukola naye nsaba kumpa ku magezi kuba embeera z’omusajja buli lukya zongera okunneeraliikiriza olw’obulamu bwe mpitamu n’omwana wange.

More From The Author

Emboozi z’omuwandiisi endala

Emboozi endala

Civil 220x290

Omukazi atagambwako yali antamizza...

ENNAKU gye ndabidde mu nsonga z’omukwano mpitirivu era nabulako katono okugwenenya.

Funa 220x290

Eyantwala ku yunivasite yanzitattana...

NZE Jennifer Alwoch 26, mbeera ku kyalo, Adyel mu Lira. Bazadde bange bampeererako okutuuka mu S6 naye ssente ezinyongerayo...

Ssenga1 220x290

Lwaki mpulira sirina maanyi ga...

SSENGA mpulira nga sirina bulungi maanyi ga kisajja. Naye bwe neegatta amaanyi ngafuna bulungi naye ndowooza nti...

Ssenga1 220x290

Ensundo ya muganzi wange entiisa...

SSENGA nnina omuwala gwe njagala naye alina ensundo empanvu ku kisambi. Mugamba agende mu ddwaaliro agamba nti...

Buget 220x290

Palamenti eyisizza bajeti ya 2019/20...

PALAMENTI eyisizza bajeti y’omwaka gw’ebyensimbi ogujja ogwa 2019/2020 nga ya Tuliliyooni 40 (Bwe buwumbi emitwalo...