TOP
  • Home
  • Ssenga
  • Ebbaluwa ya Ssenga: Kendeeza obukambwe ku mwana w’omusajja

Ebbaluwa ya Ssenga: Kendeeza obukambwe ku mwana w’omusajja

By Musasi wa Bukedde

Added 9th January 2019

MWANA WANGE bwe nnakyala ewuwo neewuunya engeri gy‛oyisaamu omwana w‛omusajja.

Ssenga1 703x422

Natya nnyo naye nali sisobola kukugamba ng‛omwami waffe waali. Obukambye obuyitiridde ku mwana w‛omusajja obuggyawa?

Omwana oyo talina musango nakamu ate weewunye omwana wamusanga mu maka. Ate n‛abaana b‛ogenda okuzaala baganda ba mwana oyo.

Oba oyagala oba toyagala, oyo ye muganda waabwe. Naye ate okubonyaabonya omwana ono kiva kuki?. Kubanga omwana ono omwami wo tagenda kumutwala walala kubanga mwana we era alina okubeera naye.

Ekirala simanyi oba okimanyi bulungi nti okubonyaabonya omwana yenna musango mu Uganda era omuntu yenna asobola okukuloopa. Osobola otya okulya emmere ng‛omwana oyo akulaba.

N‛asooka ayoza esowaani n‛alyoka alya emmere. Ne bw‛abeera mukozi awaka tosobola kumuyisa bwotyo.

Omwami waffe kubanga musirise nnyo naye kyemmanyi y‛ensonga lwaki agaanyi okweyanjula mu bazadde kubanga alaba talina gy‛akutwala. Era nawulirako nti ensonga mbeera ya mwana oyo.

Kati mwana wange oba tokimanyi, buli musajja ayagala afune omukyala ate nga maama mu maka.

Naye gwe embeera gy‛olimu awaka toli maama ate toli mukyala kubanga n‛omwami waffe nalaba nga tomufaako bw‛akomawo awaka.

Mwana wange obufumbo butuuse okukulema era ndowooza naawe okiraba kati emyaka giweze naye omusajja yagaana okumwanjula.

Olina okweddako obukambwe obungi tebusaana. Era teri musajja ayagala mukyala mukambwe.

Omwana talina musango era tolina kumuyisa bubi.

More From The Author

Emboozi z’omuwandiisi endala

Emboozi endala

Story 220x290

Bamukubye kalifoomu ne bamuwamba...

POLIISI y'omu Bbuto ekisangibwa e Bweyogerere mu munisipaali y'e Kira eronze omuwala Joan Nagujja (32) mu kiwonvu...

Wanika1 220x290

'Okusomesa abaana eddiini kye ky'okulwanyisa...

AKULIRA yunivasite y’Abasiraamu asabye Bannayuganda okukosomesa abaana eddiini ng’ekyokulwanyisa okumalawo ebikolobero...

Card1 220x290

Kiki ekifuna sizoni eno?

Obadde okimanyi nti ku 40,000/= osobola okutandika bizinensi ya Success Cards ne wenogera ensimbi?!

Uneb3 220x290

Ebigezo by'e Mbarara byatuukidde...

Ebigezo bya S4 ebya UCE byatuusidwa ku Poliisi y'e Mbarara nga bikuumibwa butiribiri abaserikale ba miritale...

Exams3 220x290

Ebibuuzo bya UCE 2019 bitandise...

Ebibuuzo bya S4 bitandise na kigezo kya Physics Practicals.