TOP
  • Home
  • Ssenga
  • Yinginiya weebale kundaga laavu gye nnali noonyeza mu Bazungu

Yinginiya weebale kundaga laavu gye nnali noonyeza mu Bazungu

By Musasi wa Bukedde

Added 12th January 2019

EKIROOTO kyange eky’okufumbirwa omusajja Omuzungu, Yinginiya Victor yakituukiriza kuba laavu gy’ampa yasukka ku gye nnali nnoonya mu kwagala okufuna Omuzungu. Nze musawo Slyvia Namaganda 30, mbeera Mukono.

Maka 703x422

Okusisinkana yinginiya kyalimu Katonda kuba okulabagana twerabira ku Faaza eyali mukwano gwaffe ffembi.

Lumu mba nnyumya ne Faaza n’antegeeza nga bw’anfunidde omusajja ne mugamba nze saagala musajja Muddugavu njagala Bazungu kubanga be bamanyi laavu eyannamaddala.

Yangamba nti n’oli kyenkana Muzungu kuba abeera mu Bazungu era buli ky’Abazungu akimanyi. Nalowooza akivuddeko naye ng’akyakiriko, Faaza yantwalangako “Out” naye nga tubeera n’abantu ab’enjawulo kye saamanya nti mu bantu be twabanga nabo omwami wange mwe yali.

Lumu waba wayiseewo ebbanga nga Faaza n’atusisinkanya n’omwami ono n’aηηamba nti y’ono omusajja gwe nakugamba omusiimye?

Awo we twatandikira okuva mu 2011 nga buli omu yeetegereza munne okutuusa 2014 bwe natuuka ne mukkiririzaamu.

Nalaba ng’ali siriyaasi ate nga n’omukwano ampa guli gwennyini gwe nnali nnoonya okufuna mu Bazungu okutuusa lwe yantwala ewuwe.

Kyensinga okumwebaza anjagala ne bye nnali sisuubira era laavu gy’ampa sisuubira nti nnali nsobola n’okugifuna mu Muzungu kuba musajja amanyi amapenzi, eyeewa ekitiibwa ate nga nange akimpa ate mu byonna musajja atya Katonda.

Bambi bwe ntandika okumwogerako nnyinza obutamala kuba yatuukiriza obuvunaanyizibwa bwonna omusajja omutuufu bw’alina okutuukiriza.

Yakkiriza ne mutwala ewaffe ne mwanjula ate era naye n’akkiriza n’ankuba embaga. Amazima ebbanga lye mmaze naye wadde bagamba omukwano gunnyuma bwe guba gutandika ku gwaffe eyo enjogera tekola kubanga buli olukya laavu yaffe yeeyongera.

Mukwano Victor nkwebaza okumbeererawo mu buli kimu ate era wadde wasoma bwayinginiya nkutwala ng’oli yinginiya w’obulamu bwange.

Nange nkusuubiza okukulabirira, okukwagala awatali kakwakkulizo konna n’okuba omwesigwa gyoli kuba nawe onjagadde mu mbeera yonna.

More From The Author

Emboozi z’omuwandiisi endala

Emboozi endala

Sisiri 220x290

Siisiri w’abakazi bamukubyemu ttooci...

ABAKUGU bazudde ng’abakazi okuyimba siisiri mu buliri kijja lwa butonde. Bagamba nti kiva ku bwagazi omukazi bw’afuna...

Ganja2 220x290

Ebintu 15 by’okola n’oganja ewa...

Edith Mukisa omukugu mu kubudaabuda abaagalana n’abafumbo akuwa ebintu 15 byoyinza okukola okusobola okuganja n'okunyweza...

Condoms 220x290

Kkondomu ezirimu ebituli zisattizza...

Bannayuganda abettanira kkondomu za Life Guard baweereddwa amagezi okwekenneenya kkondomu ze bagula nga tebannazikozesa....

Thumbnailunaiemerypoints 220x290

Martin Keown anyiizizza aba Arsenal...

Martin Keown, omu ku bazibizi abaayitimukira ennyo mu Arsenal era nga yali mu ttiimu eyawangula Premier nga tekubiddwaamu...

Gareth Bale ali ku yoleke

Gareth Bale ali mu kattu olw’abawagizi ba Real Madrid abaanyiize olw’okulaga nti ttiimu eno y’ekoobera mu bintu...