TOP
  • Home
  • Ssenga
  • Esther weebale kumponya laavu y’abayaaye

Esther weebale kumponya laavu y’abayaaye

By Musasi wa Bukedde

Added 16th January 2019

NZE Henry Ssekabo, 26 nkola gwa busuubuzi nga mbeera Kawempe mu muluka gwa Bwaise II, Tebuyoleka Zooni.

Teba 703x422

Sejjusa myaka gye namala nga mbonaabona ne laavu y’abayaaye okutuusa bwe nafuna Esther eyamponya abayaaye.

Nze ne Esther twasisinkana mu March wa 2017 mu dduuka erimu eritunda engoye mu Kampala, ebiseera ebyo yali asoma S6 ku ssomero erimu. Yali azze kugula lugoye lwa kabaga akaggalawo omwaka.

Omukwano guno muzibu kuba olwatunuulira mwana muwala ono, omutima ne guntyemuka kumpi kaali kabonero ka laavu.

Ekifo we yali azze okugula olugoye nali ntera okubeerawo kuba nninawo mikwano gyange.

Namutunuulira ng’alabika talina kusalawo ku kika kya lugoye kye yali ayagala. Namusaba muyambeko okumulondera era eno ye yali entandikwa y’okufuna ekitangaala ky’omukwano.

Mu kunyumya nga bwe tulonda olugoye, namusaba ηηende ng’omugenyi we ku lunaku lw’akabaga kaabwe era n’akkiriza.

Ku lunaku lw’akabaga, namwatulira nti mmwagala era nakkiriza kuba naye yali alabika ng’ansiimye.

Twatandika okweyisa ng’abaagalaana kuba ffembi twali tusiimaganye. Abantu ab’enjawulo baamugamba bingi nga bwe siyisa sikaati n’ebirala wabula nga tabawuliriza.

Oluvannyuma lw’ebbanga, namutwala ne mwanjulira bazadde bange naye n’annyanjula ewaabwe era enjuyi zombi ne zisiima, awo ggiya kwe twali tutambulira n’erinnya.

Esther emyaka gy’alimu gya kivubuka, mwagalako kimu nti wadde mulungi ebitagambika, alina empisa, ampa ekitiibwa ate takkiriza binneeraliikiriza.

Mu kiseera kino alina kkoosi gy’asoma kuba mukazi mugezi ate ayagala okuvumbula ebintu by’aba tamanyi.

Omwaka 2019 twagenze okuguyingira ng’ali lubuto ekyanyongedde amaanyi okukola kuba nnina okukuuma famire yaffe nga nsanyufu.

Ndi mugumu nti omwana waffe ajja kumuzaala ekiseera bwe kinaatuuka kuba ayagala abaana.

Ndabika bulungi kuba Esther ampa emirembe era mwebaza okumponya laavu y’abayaaye.

More From The Author

Emboozi z’omuwandiisi endala

Emboozi endala

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...

Coffeetree1webuse 220x290

Alina omusaayi omutono muwe amazzi...

Atalina musaayi kozesa bikoola bya mmwaanyi ofune ogukumala

Camavingajpg111 220x290

Ttiimu za Premier 3 ziswamye musaayimuto...

Camavinga, wa myaka 16 era ttiimu za Premier zigamba nti akacanga nga Paul Pogba.

Ssuubikazimba 220x290

Abakrisitaayo balabuddwa okulwa...

ABAKRISTAAYO balabuddwa okukomya okumala obudde bwonna mu masinzizo nga balindirira Katonda okubakolera ebyewuunyo...

Mbvsmpindi1web002web 220x290

Abembogo beewaanye bwe bagenda...

ABAWAGIZI n'abakungu be Mbogo beewanye nti "omunene asigala munene" oluvanyuma lwokukuba Empindi ggoolo 3-0 mu...