TOP
  • Home
  • Ssenga
  • Bwe nagaana okuggyamu olubuto omusajja n’atandika okweyisa obubi

Bwe nagaana okuggyamu olubuto omusajja n’atandika okweyisa obubi

By Musasi wa Bukedde

Added 22nd January 2019

NZE Jane Zawedde 37, mbeera mu Dobbi zooni Kalerwe mu Makerere III. Twasisinkana ne baze mu 1993.

United 703x422

Nali njokya kasooli ku Kalerwe nga neepangisiza akazigo ate nga ye atunda matooke.

Ssente bwe zaagaananga ng’ampa emmere ey’obwereere naye nga neebuuza lwaki agimpa.

Nga wayise ebbanga, baze yatandika okulaga ebikolwa ebiraga nti anjagala naye nga tayatula.

Wabula mu mbeera eyo nange nali ntandise okumwagala naye okusinziira ku bintu bye yali ankolera era nga ninda ayogere kigambo nti, ‘nkwagala’. Mu bbanga ttono yakyatula era nange ne nzikiriza.

Yansaba tutandike ne nzikiriza kubanga n’ennyumba yali enzibuwalira okupangisa. Twatandika obufumbo era ng’ennyumba y’agisasula.

Nafuna olubuto olwasooka era munnange yasanyuka nnyo kye nnali sisuubira.

Yandabirira n’olubuto okutuusa bwe nazaala ng’obufumbo bwaffe tubutambuliza ddala bulungi.

Wabula bwe nafuna olubuto oluddako, bwe nategeeza baze kyambuukako bwe yandagira okuluggyamu ne ntadika okwebuuza baze ekyamutuukako.

Ng’omukyala natandika okunoonyereza obuzibu we buva obwakyusa baze mu mpisa.

Nasooka kulowooza nti osanga alinayo omukazi omulala naye si bwe kyali.

Wabula nazuula ng’alina ekibinja ky’abavubuka b’akolagana nabo ate nga si bamyaka gye.

Baze yakoppa emize gyabwe gyonna n’atandika n’okunywa omwenge gwe yali tanywa era ng’abavubuka be bamuwa n’amagezi kuki ky’alina okukola.

Kyokka nga bw’akomawo awaka adda atamidde n’atandika okunkuba nga bw’aηηamba nti mikwano gye gimugambye angobe nti nkaddiye bagenda kumufunirayo omulala omuto.

Nasooka ne ngumira embeera naye nagenda okulaba ng’abavubuka nabo baagala kutandika kuneefunira.

Nga bwe banywa omwenge ne baze nga bajja awaka nga bonna baagala kunkozesa kw’ossa n’okunkuba ensambaggere nga bwe baηηamba nkaddiye munnaabwe bagenda kumufunirayo omuto Olw’embeera eyo nalemererwa ne nsalawo okwawukana ne baze kuba emirembe gyali gimpeddeko.

Naddamu okwepangisiza wabula ng’obulamu bwayongera kukaluba kuba abaana yabansuulira nga n’okutuusa kati simanyi gy’ali wadde okumuwulisza.

Nsaba omuzirakisa annyambe kuba abaana bange bato tebasoma ng’obusobozi sirina nga n’ekyokulya sikirina (075514381).

More From The Author

Emboozi z’omuwandiisi endala

Emboozi endala

Kib11 220x290

Ba Kansala ku district e Kiboga...

Ba Kansala ku district e Kiboga bakubye ebituli mu budget ya District

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono