TOP
  • Home
  • Ssenga
  • Eyambudaabuda nga nfi iriddwa baze yandekamu looko

Eyambudaabuda nga nfi iriddwa baze yandekamu looko

By Musasi wa Bukedde

Added 26th January 2019

NZE Mary Abe 32, mbeera Mutungo. Omuvubuka gwe nnafuna oluvannyuma lw’okufi irwa baze yambikka ekkwaano eryali linneerabizza ennaku y’obwannamwandu bwe yanjagalira abaana bange.

Ketha 703x422

NZE Mary Abe 32, mbeera Mutungo. Omuvubuka gwe nnafuna oluvannyuma lw’okufi irwa baze yambikka ekkwaano eryali linneerabizza ennaku y’obwannamwandu bwe yanjagalira abaana bange.

Nga baze amaze okufa, waayita ebbanga ddene nga eby’omukwano mbiwummudde olw’ebirowoozo ebingi bye nnafuna olw’embeera eyali entuuseeko.

Wabula oluvannyuma lw’ebbanga, nnali ηηenze kufuna okubudaabudibwa okuva mu mikwano gyange, mukwano gwange, omu n’ampa amagezi okukomya okwekubagiza nsobole okwerabira baze n’okutambuza obulamu obupya nsobole okulabirira abaana nange abasatu be nnali nsigazizza.

Akawungeezi akamu, mukwano gwange ono yannona awaka n’antwalako mu kifo ekimu ekisanyukirwamu e Kitintale ng’ayagala okunsanyusaamu nsobole okwerabira baze.

Tuba tutudde twewamu, ne wabaawo omuvubuka eyajja we twali n’atubuuzaako era n’atweyanjulira nga ye Denis naye bwe nawulira eddoboozi wamma n’ankubirawo.

Yatuula we twali era awo emboozi n’egwa amakerenda okukkakkana ng’ansabye akanamba kange ak’essimu era nange ne nkamuwa.

Denis, yatandika okunkubira essimu era n’antegeeza nga bwe yali ansiimye era nange ne mmutegeeza nti nali mmusiimye naye nali nkyalina ebiwundu by’okufiira omwami wange ng’ate nnina n’okunoonya ssente z’okulabirira abaana bange abasatu, kale nneetaaga omuntu ng’ali siriyaasi atammenye mutima.

Denis yantegeeza nti eky’okufi irwa baze si nsonga era n’abaana bange tabalinaako buzibu kubanga ye yali ansiimye ng’omuntu.

Yansuubiza nti ajja kufuba okulaba nga tubeerawo n’ako akatono k’afuna. Olw’okuba nnali mpise mu kusoomoozebwa, omuvubuka ono namuwa omutima gwange era ne mmwesiga olw’engeri ennungi gye yampisanga n’abaana bange.

Denis yandaga ekkwaano ng’ayogera kimu bibiri ekyokusatu nga baana, nange ne mmwagalira ddala kuba yali atufaako nga n’abaana abamwagala. Denis yandaga obwesimbu era olwali okufuna omulimu ne bamusasula, yaηηamba nnoonye ennyumba ennungi ng’erimu buli kimu nange mbeeko mu bulamu obwesiimisa kubanga akayumba ke twalimu kaali kabi.

Denis yampangisiza ennyumba ya 250,000/- era n’anteeramu kalonda w’omu nnyumba yenna ne mpona ennaku y’obwannamwandu kuba nali nsula mu ka yumba ka 50,000/-.

Ebbanga lye nnamala naye, sirina muze gwe nnamusangamu kuba teyankalubiriza mu kintu kyonna era nga tuteesa.

Ekyanzigya enviiri ku mutwe ye Denis okumala ebbanga nga tampuliza nga n’awaka takyalabikawo, ne bwe nnagezangako okumukubira amasimu nga takwata n’okutuusa kati simanyi kyakyusa birowoozo bye kundekawo.

Nsaba omuntu yenna asoma emboozi yange ampe ku magezi kubanga omuvubuka ye nali mmwagadde naye simanyi kyamuddusa.

More From The Author

Emboozi z’omuwandiisi endala

Emboozi endala

Got2 220x290

Obadde okimanyi nti butto w’ekisubi...

Obadde okimanyi nti butto w’ekisubi akola ku musujja mu bantu, enkoko n’ebisolo ? Soma wano mu mboozi y'omukenkufu...

Lab2 220x290

Bawadde endowooza ku Ssemateeka...

Bawadde endowooza ku Ssemateeka

Kcca1 220x290

Mutebi awawudde abazannyi be

Lwokutaano, KCCA yeetegekera kuddiηηana ne African Stars ey'e Namibia, mu CAF Champions League e Lugogo. Mu gwasooka,...

Aviv 220x290

Aviv akubye ku mattu

Aviv, eyamenyekera mu kutendekebwa mu Amerika omwezi oguwedde wabula kati ali mu mbeera nnungi ng’era empaka za...

Kip2 220x290

Kkooti ewadde Lukwago obukadde...

Kkooti ewadde Lukwago obukadde 600