TOP

Fumbira omwami wo onyweze obufumbo

By Musasi wa Bukedde

Added 29th January 2019

WEEBALE gy‛okola era mwebale okuzimba ennyumba. Nabaddeko ewammwe naye omwami waffe nawulidde agamba nti oluusi ofumba ate oluusi oleeta ‘take away‛. Nti wamugamba nti okoowa okufumba buli lunaku.

Ssenga1 703x422

Eeeh mwana wange ng‛otandise bubi! Kati oli mu mwaka gumu mu bufumbo olwo bw‛onooweza emyaka etaano mugenda kulya mu ‘take away‛ togenda kufumba mmere waka?

Jjukira nti ogenda kuzaala, ogenda kukyaza era emirimu girina okweyongera.

Omusajja yenna alina okulya emmere awaka. Ate kikola bulungi ggwe omukyala okufumba emmere eyo. Sigaanyi okola naye singa ofumba enva ate omukozi n‛omulekera emmere.

N‛ekirala ku Lwomukagga oba Ssande fumbira omwamiwo emmere. Nze mbeewuunya baana bange ne Nasozi bw‛atyo bwe yafi irwa omwami we.

Mwagala obufumbo naye bwe mubufuna nga mutandika okubuzannyiramu. Emmere eya ‘take away‛ ya bawuulu so si bafumbo. Ate emmere eyo ebiseera ebisinga ebeeramu amasavu oba butto mungi.

Bw‛ofumba emmere awaka nga ggwe omufumbi omulungi omanya ky‛okola okulaba ng‛omwami wo era n‛amaka go balya emmere ey‛omugaso. Abantu bangi bafunye endwadde lwa kulya ‘take away;‛.

Ate mwana wange oli mufumbi mulungi era osobola okukuumira omwami wo awaka olw‛emmere ennungi. Olina okufumba buli lunaku.

Abasajja abamu banoonya emmere ennugi naye ebivaamu kufuna bakyala abafumbi. Ggwe nga bakwerabira anti oli mu ‘take away‛. Fumba onyweze amaka.

More From The Author

Emboozi z’omuwandiisi endala

Emboozi endala

Gat1 220x290

Nze ne Bobi Wine ffembi tugaggawalidde...

Nze ne Bobi Wine ffembi tugaggawalidde ku mulembe gwa Museven- Bebe Cool

Fot2 220x290

Emizannyo gy'abamusaayi muto gyengedde...

Emizannyo gy'abamusaayi muto gyengedde

Kib2 220x290

Sipiika Kadaga azzeemu okukola...

Sipiika Kadaga azzeemu okukola emirimu gye

Sab2 220x290

Kabaka Mutebi ayozaayozezza obwa...

Kabaka Mutebi ayozaayozezza obwa Kabaka bwa Ghana okutuuka ku myaka 20

Got1 220x290

Omusawo bamusse agenze kuziika...

Omusawo bamusse agenze kuziika e Masaka