TOP

Munno tomugobaako mikwano gye

By Musasi wa Bukedde

Added 29th January 2019

MUKYALA WO bw’omugobako mikwano gye munnange ofiirwa ebirungo. Kubanga eddagala ly’amaka amalungi erisinga obukulu kuba kwebuuza ku banno.

Funa1 703x422

Ate ng’amagezi mukyalawo agaggya mu mikwano gye egyo ggwe gy’omugobako. Buli mukwano ogweyongera ku maka guba gwa mugaso.

Kubanga mukyala wo bw’aba nga wa mpisa era nga kye wava omulonda manya nti alonda emikwano emirungi.

Kati nga mu kiseera kino eky’okunoonya ebifo by’abaana, waakugambira nga mukyala w’omukulu w’essomero gye mwagala okutwala omwana mukwano gwe.

Nga ne ffiizi ajja kwogera ne mukyala munne babakkirize okusasula ebitundutundu. Awo waba wabi?

Ate era eyo mu banne gy’asaka ebirungo by’ayongera mu mukwano amaka ne gatinta. Kubanga bo abakazi banguwa okunyumiza ku bannaabwe bye bayitamu, ne bawaηηana amagezi.

Abamu bayigiriza bannaabwe okufumba, oli n’agamba banne nti ye tamanyi bwe bafumba bummonde buzungu. Banne ne bamuyamba. Era amagezi ge bawaηηana gatuukira ddala ne ku nsonga z’omu kisenge.

Mpozzi omusajja ky’oyinza okwemulugunyaako ze ssaawa z’asisinkana mikwano gye.

Bwe ziba nga ziyitawo ne zituuka mu ttumbi oba nga zirina engeri gye zikukosaamu. Naye okulowooza nti buli omukazi lw’abeera ne banne, aba ali mu bwenzi si kituufu.

Kubanga lwaki ggwe oyo gwe walondayo omulowooleza okuba nti ye buli kiseera anoonya bamukwana? Obwo buba buteekakasa nga ggwe omusajja.

Waliwo embeera ezijja mu maka nga mpya mu bulamu bwammwe, nga zeetaaga okwewuunaganyaamu ne banne bamuwe amagezi. Era nga mmwe abasajja bwe muba ne bannammwe eyo gye mulabira emipiira.

Ne mukomawo nga situleesi zibaweddeko. Ne munno omukazi yeetaaga ebiseera nga bino.

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.