TOP

Favourite kya bugagga kyange

By Musasi wa Bukedde

Added 30th January 2019

FAVOURITE nakamala naye kati omwaka mulamba nga tulabagana naye ebbanga lye maze naye kye nasubwa simanyi na kumanya Nze Fahad Matovu 25, mbeera Nakulabye.

Pampa 703x422

Nasisinkana Favourite oluvannyuma lw’okumala ebbanga nga sirina ssanyu mu mukwano kuba be nafunanga nga tebamanyi kye baagala. Ate abalala ng’akwagala alina ky’akusuubiramu.

Natandika okwogera naye ng’ali Kenya naye nga nze ndi mu Uganda naye ng’ekitugatta mirimu. Yali akolaganika naye, mwerufu, afaayo ate ng’atuukiriza ky’aba yeeyamye.

Lumu tuba twogera ne mwebaza okubeera omwesimbu era nti omusajja amwagala amwenyumirizaamu, era wano we yantegeereza nga ye bw’atalina musajja.

Ekirowoozo kyakyukirawo ne mmanya nti ebyange biteredde era wano we natandikira okulaga omukwano gwange gyali.

Era ekyannyamba, okusaba kwange teyakugoba. Okuva bwe nasalawo afuuke munnange, buli kimu kyakyuka.

Bwe yakomawo mu Uganda, twasisinkana enfunda eziwera naye nga buli bwe tutuuka okusasula bbiru gye tuba tulidde, nga tayagala nsasule nzekka era nga waakiri tusasulira wakati ekitali ku bawala balala.

Nasooka ne ndowooza nti osanga yali ampisaamu maaso okutuusa bwe namubuuza lwaki yali akikola kwe kuηηamba nti, omuntu yenna omutuufu tolina kulekera munno kwettika mugugu bw’omu wabula mulina kukwasiza wamu.

Kino kyampa ekifaananyi ekirala mwe nnina okuteeka Favourite era amaanyi nagongeramu okulaba nga muwangula era nga nkola by’ayagala.

Ekiri wakati wange ne Favourite bakiyita laavu kuba anjagala ebiriyo ate ng’alina empisa.

Nange mmwagala era kye mmanyi nti ebiseera byaffe mu maaso bitangaavu.

Favourite nkusuubiza okukwagala nga bw’onjagala okutuusa okufa bwe kulitwawukanya.

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.