TOP

Ssaalongo anjabulidde

By Musasi wa Bukedde

Added 31st January 2019

“SSAAYAGADDE kuzaala mulongo aliko bulemu kyokka Ssaalongo andese mu matigga. Alinga anvunaana nti bwe nnagenze gye bagula abalongo nnaguzeeyo ataamusanyusizza”.

Luzu 703x422

Nze Nnaalongo Olivia Namukubembe 30. Mu August w’omwaka oguwedde Mukama yampa abalongo be nasooka okuyita ekirabo naye ate kinfuukidde ekizibu.

Baze olwategedde nti omulongo omu aliko obulemu yadduse buddusi n’andeka mu bbanga n’okutuusa kati simanyi gy’ali.

Wasswa ne Nakato nabazaalira mu ddwaaliro e Mulago nga babulako ennaku okuzaalibwa ne babikkibwa ne bavaamu bulungi. Abasawo tebaamanya nti Wasswa aliko obulemu.

Nnakitegeerera waka nti Wasswa yalina ebitundu by’ekyama bibiri (eky’obusajja n’obukazi).

Yali afuuyisa ne mwetegereza ng’omusulo gufulumira wansi awatali busajja. Era bwe nneetegereza ebitundu bya Wasswa w’afukira ne ndaba ng’akatuli omwandiyise omusulo tekaliiko.

Bwe nnamuzzaayo mu ddwaaliro e Mulago abasawo ne bantegeeza nti omwana okulongoosebwa kyetaagisa 3,000,000/-.

Nagenda okuva mu ddwaaliro ng’asibyemu ebibye byonna era okuva olwo essimu yagijjako.

Natuuka okulowooza nti osanga yafuna ekizibu kyokka bwe nnabuuza banne bantegeeza nti gy’ali era yabategeeza bw’atayinza kwesembereza balwadde.

Omwami ono okunkwana yansanga mu katale k’e Nakasero gye nnali ntambuza emmere okuva mu wooteeri emu mu 2016 nga ye akolera mu kkampuni emu eya sooda.

Yantegeeza bwe nnali mulabikidde obulungi nti era yali amaliridde okubeera nange mu bufumbo.

Nnali neempangisiriza omuzigo e Nabisaalu mu Makindye lwakuba ono nasooka kumukisa gye nnali mbeera kuba abasajja baali bannimbyerimbye ekimala ng’amala okukukwabula ate n’akuddukako.

Okulaga Musisi gye nsula yasooka kunkakasa nti yali wakubeera nange mu bulungi ne mu bubi n’atuuka n’okwettikka engoye ze n’azireeta gye nnali nkolera okunkakasa nti twali baakubeera ffembi.

Bwe yandekedde abalongo we nategeeredde nti yalina omukyala omulala eyali tamuwa mirembe era kye kyamuleeta mu muzigo gwange.

Abasawo bagamba nti ekizibu kino nnina okukikolako mu bwangu nga tekinasingawo kuba kati Wasswa yeetakula wansi nga bw’akaaba mu bulumi.

Waliwo muzirakisa eyantwala ewa maama wa baze (nnyazaala wange) e Kasambya mu Mawokota gye mbeera naye n’omukadde talina ssente.

Nsaba abazirakisa bannyambe ntwale Wasswa mu ddwaaliro. Ndi ku ssimu, 0756498373.

More From The Author

Emboozi z’omuwandiisi endala

Emboozi endala

Fot2 220x290

Emizannyo gy'abamusaayi muto gyengedde...

Emizannyo gy'abamusaayi muto gyengedde

Kib2 220x290

Sipiika Kadaga azzeemu okukola...

Sipiika Kadaga azzeemu okukola emirimu gye

Sab2 220x290

Kabaka Mutebi ayozaayozezza obwa...

Kabaka Mutebi ayozaayozezza obwa Kabaka bwa Ghana okutuuka ku myaka 20

Got1 220x290

Omusawo bamusse agenze kuziika...

Omusawo bamusse agenze kuziika e Masaka

Gab2 220x290

Ebya dokita gwe basse bikyalanda...

Ebya dokita gwe basse bikyalanda