TOP

Muka muliraanwa yasigula baze

By Musasi wa Bukedde

Added 11th May 2019

BAZE gwe nnayagala ne ntuuka n’okumuzaalira abaana yambonyabonya n’abaana bange ne ntuuka n’okusula ku kkubo.

Wave 703x422

Nabagesera n’omu ku baana be. Ono y’ew’omwaka ogumu.

Nze Angel Nabagesera nga nnina abaana basatu be nnazaala mu baze kati anaabidde mu maaso n’angoba ne mu maka ge twazimba ffembi kuba ne bw’andaba nga nkyama we tubeera ng’ankwatira amayinja.

Twalabagana ne baze mu 2008 nga nkyali ku luguudo lw’e Ntebe e Kajjansi gye nnakoleranga mu CAFÉ ne mobile money.

Omukwano gwaggumira ne muvaamu olubuto lw’omwana ne tukkaanya tubeere ffembi.

Twasooka kupangisa nnyumba e Nateete. Yafuna ensimbi okuva mu mmaali gye yagabana ku mugenzi kitaawe, ne mutuuza ne ntema empenda ez’okuzimba amaka gaffe tuwone obupangisa. Wano we twagulira poloti e Nalumunye.

Yampangira edduuka mu kibuga ne nsuubuza ensawo z’omu ngalo.

Ensimbi nazikuηηaanya ne tuzimba ennyumba era amangu ddala ne tugiyingira.

Ssaamanya nti okuyingira ennyumba ate lye lyali ekkubo eritwawukanya ne baze. Okumpi n’ennyumba waaliwo omukyala eyatwawukanya ne baze.

Omukazi oli yali mufumbo naye yanjooga wamma ne neetamwa anti nga bayinza okutambula ne baze ne bagenda nga ndaba era ne badda nga ndaba.

Bino byonna nabigumira era nga siyinza kubibuulira bba kuba baali mu mukwano mungi nga nze okubyogera mba ntabudde amaka gaabwe.

Ku Nalumunye yalinako baganzi be babiri. Lwe nnasanga akapakiti ka kondomu mu mpale ye, kyankuba wala kuba kaalimu kamu nga kiraga nti obulala yali abukozesezza.

Bwe yakomawo ne mmugambako nalinga akubye ejjinja mu njuki, omusajja yankuba ne bizinensi y’ensawo n’agingobamu nti muviire ne mu maka kyokka nga nnali lubuto lukulu.

Okuva olwo sadda mu kibuga kukola kyokka ne gwe yawa bizineesi saamumanya.

Kati omwana asembayo aweza omwaka gumu ate abakulu bbo tebasoma. Bwe mmukubira essimu okumusaba obuyambi tagikwata.

Ensonga nazitwalako ku Poliisi y’e Katale Bukwenda ne nzigulawo omusango gw’obusamabattuko mu maka (Domestic Violence) ku fayiro SD 12/22/10/2018 kyokka nabyo tebannyamba.

Abaana abakulu nabatwalako mu kyalo ewa maama kyokka baali baakamalayo ebbanga ttono maama n’afa.

Kinnuma abaana bange obutasoma kuba bannaabwe baba bagenda ku ssomero ng’abange bazannya.

Nsaba abazirakisa bannyambe waakiri nfune omulimu ndabirire abaana bange. Ndi ku ssimu nnamba 0751775449.

More From The Author

Emboozi z’omuwandiisi endala

Emboozi endala

Buget 220x290

Palamenti eyisizza bajeti ya 2019/20...

PALAMENTI eyisizza bajeti y’omwaka gw’ebyensimbi ogujja ogwa 2019/2020 nga ya Tuliliyooni 40 (Bwe buwumbi emitwalo...

Note 220x290

Omugga Ssezzibwa guwagudde ne gutwala...

OMUGGA Ssezibwa gubooze ne gutwala omwana abadde agenze ne banne okuwuga. Omwana amazzi gwe gaatutte abadde agezaako...

Ramos4542051 220x290

Ramos mukoowu mu Real

Ramos yatudde ne pulezidenti Perez ne beegeyaamu ku by'okusigala kwe mu Real Madrid.

Kasirye1 220x290

Batadde kkamera 200 e Namugongo...

ABABADDE beesunga okukola effujjo e Namugongo bubakeeredde, abeebyokwerinda bwe baatadde kkamera ezisboba mu 200...

Vision Group etegese omudaala ttabamiruka...

OLWALEERO kkampuni ya Vision Group efulumya ne Bukedde etegese olukung'aana lw’okukubaganya ebirowoozo n’okusomesa...