TOP
  • Home
  • Ssenga
  • Akabi k’omusajja okutabaalira mu bawala abato

Akabi k’omusajja okutabaalira mu bawala abato

By Musasi wa Bukedde

Added 9th July 2019

OMUZE gw’abasajja okuganza abawala abato be batuuse n’okuzaala guluddewo. Abeenyigira mu muze guno balina ensonga zaabwe.

Blackcoupleinlovee1312344839290 703x422

Abasajja bagamba nti abawala bano balina engeri gye babacamulamu ne baddamu endasi, oluusi ekitabaawo nga bali n’abakazi abakulu.

Ekirala bagamba nti abawala bano baba n’obudde bungi bwe bawa abasajja kubanga omusajja asobola okumusisinkana essaawa yonna ne wonna w’amwagadde, oluusi ekiyinza obutabaawo ku bakyala abakulu, kuba beekwasa emirimu.

 Endabika y’omuwala n’omubiri gwe biba biteeka omusajja mu mbeera y’obwagazi okusinga mukazi wattu asooka okukekejjana n’oluusi okusooka okwekwasa obusongasonga ebinyiiza omusajja.

 Okuggyako ng’ogudde ku muyaaye oba ennaku zino be bayita abakuuzi, naye abawala bano tebabeera kizibu nnyo eri omusajja mu kumupeeka ensimbi, kubanga ebyetaago byabwe biba bitono bw’obigeraageranya n’omukazi omukulu.

 Abasajja baagala nnyo embeera z’okubatega obumasu n’okubafaako oba kiyite okubasuusuuta ate nga kino kuzannya n’akwagala mu bawala naddala ennyambala, obuyonjo, amannya ge bayita abasajja nga bbebi, hanni n’amalala.

OBUZIBU ABASAJJA BWE BOOLEKEDDE

Omusajja akyatabaala mu bawala abuto manya waliwo embeera z’oyolekedde eziyinza okukuviiramu akabaate okugeza;

 Olowooza omuwala ono omuliko wekka, talinaayo bwe benkanya myaka? Ajja kukumalira obudde bungi ate nga tolina ky’ogenda kumufunamu.

Obuyonjo bw’abawala bano oluusi bubeera bwa ku ngulu naye ng’ebitundu bye ebyekyama tafuba kubiyonja ekiyinza okukuleetera okufuna endwadde ate n’oziwereba mukyalawo.

Abawala abamu baba n’akatijjo ekiyinza okuviirako mukyala wo okumanya ebigenda mu maaso okukkakkana ng’amaka gasasise.

 Ojja kwesanga nga ssente ze wandikozeemu ebizimba amaka gammwe ate ozisaasaanyiza ku muwala ono, ate nga tojja kumufunamu, kubanga alina n’abalala abamuganza.

More From The Author

Emboozi z’omuwandiisi endala

Emboozi endala

Mag1 220x290

Omubaka wa Igara West Rafael Magyezi...

Omubaka wa Igara West Rafael Magyezi eyaleeta ekiteeso ky'okuggya ekkomo ku myaka gya Pulezidenti aweereddwa obwa...

Bra1 220x290

Biibino bye wasubiddwa mu mpaka...

Biibino bye wasubiddwa mu mpaka z'emisono

Ritahpenny1 220x290

Akabaga k’amazaalibwa ga Ritah...

Ritah Penny bamukoledde akabaga k'amazaalibwa akamucamudde.

Lytobosswife4 220x290

Mukyala wa Lyto Boss asulirira...

Omuyimbi Lyto Boss yeesunga 'ssukaali' mukyala we asulirira kuzaala

Hazard333 220x290

Hazard asuubizza aba Chelsea

Hazard agamba nti bw'aliba avudde mu Real Madrid, ayinza okuddayo mu Chelsea.