TOP
  • Home
  • Ssenga
  • Empuliziganya kikulu mu bufumbo ng’omu ali ku kyeyo

Empuliziganya kikulu mu bufumbo ng’omu ali ku kyeyo

By Musasi wa Bukedde

Added 16th July 2019

WADDE ssente omuntu asobola okuzifunira mu Uganda, kizibu kino okukikakasa abantu abamu y’ensonga lwaki buli olukya abantu beeyiwa mu ofi isi z’abo abatwala abantu ebweru ku kyeyo, basobole okugenda ebweru bayiiye obulamu.

Luck 703x422

Wabula bwe muba musazeewo omu agende ku kyeyo, waliwo ebintu ebikulu bye muteekeddwa okussaako essira n’okukkaanyaako, okwewala omukwano gwammwe n’obufumbo okusigala nga bitambula bulungi. Muteekeeko ekkomo.

Ekyeyo kirungi okugendako nga waliwo ekkomo lye mutaddewo, katugambe oba emyaka etaano nga bwe giggwaako tabiddamu.

Naye abamu baagala n’abeera ng’atambuza ekyeyo kyenkana obulamu bwe bwonna ng’ate bw’atambuzaamu n’obufumbo. Kino kiba kizibu okutuukiriza, naddala omukazi nga y’akuba ekyeyo, kubanga abasajja batono abayinza okugumira embeera y’obwomu.

Empuliziganya nsonga nkulu. Mutunuulire nnyo empuliziganya okugeza musobola okuteekawo obudde naddala mu kiro mwenna bwe mubeera nga munnyuse era empuliziganya ebeere ya buli lunaku.

Noonya omulimu ogukukkiriza okubeera ng’odda awaka mu bbanga ettonotono. Kiba kirungi n’onoonya omulimu nga gukukkiriza okudda awaka n’olaba ku bantu ba famire yo n’oddayo nga buli luvannyuma lwa myezi esatu oba etaano odda awaka.

Mubeere n’ekigendererwa. Bw’oba ogenda ku kyeyo mubeere n’ensonga enkulu lwaki ogenda ku kyeyo.

Katugambe mwagala kugula ttaka, ssente bwe ziwera ez’ettaka ebbanga ne bweriba terinnaggwaako ng’odda awaka.

Abaakayingira obufumbo mwewale ekyeyo. Omukwano gw’ewala gunyuma nga gumaze okuguma, noolwekyo abatandika obutandisi omukwano si kirungi kwereka omu n’agenda ku kyeyo okuggyako ng’obufumbo obukooye. Temweggyaako buvunaanyizibwa bwa baana.

Abafumbo abasinga naddala abakyala bw’atuuka okugenda ku kyeyo ng’akwata abaana ng’abatwala ewaabwe.

Kyetaagisa bw’oba ogenda, omusajja omulekere obuvunaanyizibwa bw’abaana abeere nabo, kijja kukendeeza ku mikisa gy’okwenda.

More From The Author

Emboozi z’omuwandiisi endala

Emboozi endala

Awar 220x290

Owa Bukedde awangudde engule

Bannamawulire n’abayimbi bawangudde engule mu mpaka za Rising Star Awards

6 220x290

Yiga bwe bafumba enkoko erimu enniimu...

Yiga bwe bafumba enkoko erimu enniimu

Omumyuka 220x290

Pulezidenti Museveni teyeeyibaala...

OMUBAKA wa Busiro East mu palamenti, Medard Lubega Sseggona ategeezezza Pulezidenti Museveni nti teyeeyibaala nti,...

Kutte1 220x290

Nakibinge akunyizza Haruna Kitooke...

JJAJJA w’Obusiraamu, Omulangira Kassim Nakibinge, Omulangira Kakungulu Kalifaani, Sheikh Nuuhu Muzaata ne bamaseeka...

And 220x290

Tondaba akanyiriro embeera mbi...

HARUNA alombojjedde Sipapa ebizibu by’ensimbi byatubiddemu olw’okwenyigira mu by’obufuzi.