TOP
  • Home
  • Ssenga
  • Obwavu bwamugabisa omwana wange ew’omusajja omulala

Obwavu bwamugabisa omwana wange ew’omusajja omulala

By Musasi wa Bukedde

Added 17th July 2019

KITUUFU obwavu tebukumanyisa akwagala. Omuwala yagabira omusajja alina ssente omwana wange. Nze Ronald Kakooza 27.

Kola 703x422

Ndi mukubi wa bivuga mu bayimbi ba kadongo kamu. Mu 2014 nnakwana omuwala gwe nasisinkana e Kakiri. Yali abeera mu bakadde be kyokka bwe nnamusaba okumuwasa n’agaana.

Olwokuba nnali mwagala nnyo, nnakkirizza ne mwagala ng’ava mu bakadde be. Mu kiseera ekyo nnalina ku ssente nga buli kimu ky’ansaba nkimuwa.

Namukolako okunoonyereza ne nkizuula nti alinayo abasajja abalala. Waayita ennaku mbale n’ahhamba nti ali lubuto.

Yadde nnalina ssente, nagaana okumuwa obuyambi kyokka ne wabaawo omusajja eyamulabirira okumala emyezi 9 kuba nze nnali sikakasa nti olubuto lwange.

Yazaala omwana muwala ng’anfanaana. Nnamwetondera ne mubuulira lwaki nnagaana okulabirira olubuto .

Mwana muwala yanvuma ate nga ne ssente zikendedde era okukakkana ng’omwana amuwadde eyalabirira olubuto. Nnagezaako okwogera naye n’agaana ng’agamba atalina ssente tafumita lindaazi.

Omwana kati alina emyaka mukaaga ng’era bw’omulabako yammalayo ekikakasa nti wange .

Waliwo abang'amba nnoonye ssente tugende mu musaayi kuba omukazi ayinza okuba nga yantega lubbobbo omwana n’anfaanaana naye nga si wange.

Olwokuba nayavuwala, sirina wentandikira. Omuwala yandanga nti ebyabasajja yabikoowa so nga yali mutambuze atalina kagaana mu kamwa ke. Ssaamanya nti nange yali anjagalako ssente.

Bwe nnalemera ku nsonga, yantiisatiisa okunzita era n’apanga n’abavubuka bankube ekyampaliriza okudduka.

Bwe kiba kituufu ng’omwana wange, ne bwaliba akuze alinnoonya, omusaayi gulondoola.

Nsaba abakazi bakomye okucanga abasajja kuba abamu batuuka n’okuggyamu embuto nga tebamanyi bannyini zo batuufu.

More From The Author

Emboozi z’omuwandiisi endala

Emboozi endala

Awar 220x290

Owa Bukedde awangudde engule

Bannamawulire n’abayimbi bawangudde engule mu mpaka za Rising Star Awards

6 220x290

Yiga bwe bafumba enkoko erimu enniimu...

Yiga bwe bafumba enkoko erimu enniimu

Omumyuka 220x290

Pulezidenti Museveni teyeeyibaala...

OMUBAKA wa Busiro East mu palamenti, Medard Lubega Sseggona ategeezezza Pulezidenti Museveni nti teyeeyibaala nti,...

Kutte1 220x290

Nakibinge akunyizza Haruna Kitooke...

JJAJJA w’Obusiraamu, Omulangira Kassim Nakibinge, Omulangira Kakungulu Kalifaani, Sheikh Nuuhu Muzaata ne bamaseeka...

And 220x290

Tondaba akanyiriro embeera mbi...

HARUNA alombojjedde Sipapa ebizibu by’ensimbi byatubiddemu olw’okwenyigira mu by’obufuzi.