TOP
  • Home
  • Ssenga
  • Omuwala namuta ng’ammenya n’olungereza

Omuwala namuta ng’ammenya n’olungereza

By Musasi wa Bukedde

Added 18th July 2019

Nze Emmanuel Nayebale nga mbeera Kitintale mu Kampala. Bwe nnali naakatandika okwegomba n’okuyingira mu nsonga z’omukwano, amaaso gansuula ku mwana muwala eyali omulungi ate ng’anyirira okufa nange ne mwegomba.

Untitled1 703x422

Omuwala ono yali abeera Luzira mu bazadde be ngate nange mbeera eno e Kitintale mu bazadde bange.

Omuwala ono nnali namusisinkana ne twogeramu nga abantu era n’ampa n’ennamba y’essimu nange awo we nnamanyira nti ddala mmulina.

Omuwala ono naddayo awaka ne mmukubirako ku ssimu era naye teyankaluubiriza ensonga yazitegeera mangu nnyo.

Wabula yayogeranga agatta ennimi nga ayogera Oluganda n’Olungereza naye ate nga zonna azimanyi bulungi ddala.

Eky’okugatta ennimi tekyandibadde kikulu kubanga nange zonna ennimi nnali nzitegeera bulungi lwakuba nga nsinga kutegeera Luganda kubanga lwe lulimi lwange lwe nnazaalibwamu.

Omuwala ono ekiseera kyatuuka nga takyayagala twogere Luganda olwo nga tukozesa Lungereza lwokka ekintu nze kye nnali saagala kubanga nze nnali neenyumiriza nnyo mu lulimi lwange Oluganda.

Bwe nnalaba ng’akifudde kya buli kiseera okunjogezanga Olungereza nange ne mmugambako nti lwaki tetukozesa olulimi lwaffe n’andaga nti lw’ayagala era agenda na mulembe nange ne mwesonyiwa.

Eby’Olungereza byandibadde bitono naye ekirala buli omuwala ono bwe yasobyanga ate ng’ayagala nze mba neetonda ekintu ekyankaluubiriza wadde nga nnali mwagala nnyo. Nnasalawo okumwesonyiwa ndifuna abalala bwe tukwatagana.

More From The Author

Emboozi z’omuwandiisi endala

Emboozi endala

Mpolo9webusebig 220x290

Bakatikkiro b'ebika bafunye essuubi...

Ssaabawolereza wa Mmengo, Christopher Bwanika yasabye ebika okuwandiisa enkiiko z'abayima era balambike bulungi...

Renah1 220x290

Renah Nalumansi azaalidde maneja...

Omuyimbi Renah Nalumansi azaalidde Justin Bas omusika ne yeewaana "sikyali mu kiraasi ya ba laavu nigga"

Tegula 220x290

Mutabani, buno bwe butaka bwaffe...

MUTABANI wa Bobi Wine akuze. Era nga taata ow’obuvunaanyizibwa, Bobi Wine takyaleka mutabani we waka.

Fun 220x290

Nakakande yeeriisa nkuuli mu Miss...

NNALULUNGI wa Uganda, Oliver Nakakande (owookubiri ku ddyo) ayongedde okutangaaza emikisa gye okuvuganya mu mpaka...

Kubayo 220x290

Eddy Kenzo Guma newange bibuuza...

ABAYIMBI Jose Chameleone ne Eddy Kenzo baabaddeko mu kivvulu kya Wizkid e Lugogo. Baalabiddwaako nga beesika mu...