TOP

Okukuba abakazi kwadiba dda

By Musasi wa Bukedde

Added 20th August 2019

MUWALA waffe yazzeeyo ewaabwe naye simanyi oba omanyi ensonga kubanga yakugamba naye tewategeera.

Vio 703x422

MUWALA waffe yazzeeyo ewaabwe naye simanyi oba omanyi ensonga kubanga
yakugamba naye tewategeera.
 
Muwala waffe wamanya nti teyazaala bulungi era baamugamba nti alina okumala akaseera nga teyeegatta.
 
Alina okuddayo mu ddwaaliro ne bamukebera ne balaba oba ali bulungi asobole okuddamu okwegatta. Ensonga eyo yagikugamba ng’avudde mu ddwaaliro naye ndowooza wali omanyi nti alimba.
 
Mu busungu obungi muwala waffe obadde omukuba ng’ensonga ya kukumma kaboozi. Mwana wange ggwe tolaba ng’ekyo kiswaza nnyo.
 
Gwe tosobola kugendera ku mateeka g’abasawo oba omwagala ng’afudde.
 
Ekirala oba wasobola okubeerawo omwaka mulamba ng’agenze okusoma lwaki kino  okigumiikiriza? Abakyala nga bamaze okuzaala alina okuddayo okulaba omusawo oluvannyuma lwa wiiki nga ssatu.
 
Olwo omukyala yenna asobola okuddamu okwegatta naddala ng’azadde bulungi. 
Gwe kubanga toli mukyala, tomanyi buzibu bwe bafuna nga bazaala.
 
Okuzaala obeera wakati mu kufa, naye munno bw’azaala ne bamugamba alindeko okwegatta kitegeeza abasawo bakiraba nga kyetaagisa okulindako.
 
Ate bw’okuba nakawere mwana wange sikutegeera.
 
Okukuba abakyala nga kwadiba dda! Omusajja akuba amukazi ennaku zino
abeera akoze kivve.
 
Kaakati ssinga obadde ggwe owulira otya nga bakukubye kyokka nga bakukubidde nsonga ya kwegatta gye baakugaana? Embeera ey’effugabbi y’enobya abakyala ennaku zino.
 
Omukyala naye muntu nga ggwe. Laba kale bw’otuswaza! Nakawere
naye bamukuba? Olina okusaba ekisonyiwo.
 
Tugenda ffenna ku Ssande twogere ne bakulu bannaffe ku nsonga eno. Naye bo bagamba bw’oba ojja kukuba omwana waabwe, waakiri ajja kusigala ewaabwe.

More From The Author

Emboozi z’omuwandiisi endala

Emboozi endala

Sisiri 220x290

Siisiri w’abakazi bamukubyemu ttooci...

ABAKUGU bazudde ng’abakazi okuyimba siisiri mu buliri kijja lwa butonde. Bagamba nti kiva ku bwagazi omukazi bw’afuna...

Ganja2 220x290

Ebintu 15 by’okola n’oganja ewa...

Edith Mukisa omukugu mu kubudaabuda abaagalana n’abafumbo akuwa ebintu 15 byoyinza okukola okusobola okuganja n'okunyweza...

Condoms 220x290

Kkondomu ezirimu ebituli zisattizza...

Bannayuganda abettanira kkondomu za Life Guard baweereddwa amagezi okwekenneenya kkondomu ze bagula nga tebannazikozesa....

Thumbnailunaiemerypoints 220x290

Martin Keown anyiizizza aba Arsenal...

Martin Keown, omu ku bazibizi abaayitimukira ennyo mu Arsenal era nga yali mu ttiimu eyawangula Premier nga tekubiddwaamu...

Gareth Bale ali ku yoleke

Gareth Bale ali mu kattu olw’abawagizi ba Real Madrid abaanyiize olw’okulaga nti ttiimu eno y’ekoobera mu bintu...