TOP
  • Home
  • Ssenga
  • ‘Mukazi wange namuggya mu musomo gwa Ssenga’

‘Mukazi wange namuggya mu musomo gwa Ssenga’

By Musasi wa Bukedde

Added 3rd September 2019

Jonathan Yiga ow’e Kaliisizo y’omu ku beenyumiriza mu misomo gya ssenga wa Bukedde egizze gibeerawo bwe yafunamu omukyala gwe yaakamala naye emyaka ebiri era annyonyola bwati;

Nsubuga002web 703x422

Jonathan ng’ali ne kabiite we Sarah mu musomo.

Jonathan Yiga ow’e Kaliisizo y’omu ku beenyumiriza mu misomo gya ssenga wa Bukedde  egizze gibeerawo bwe yafunamu omukyala gwe yaakamala naye emyaka ebiri era annyonyola bwati;
 
Nnali nnina ensonyi okukwana nga ntya abawala okuhhaana era ne kinemesanga okubatuukirira.  
 
Naye bwe nalaba nga balanga omusomo gw’abakulu ogwa Bukedde ne nsalawo okugwetabamu.
 
Bwe twali tusoma, baatuwa omukisa okunoonyezaamu ababeezi  ne ndaba nga nfunye omukisa munene nnyo okwanjuliramu ebisaanyizo byange kubanga waaliwo abakazi bangi nnyo ate nga bazze bokka.
 
Nange saaganya mukisa kumpitako, bwe bampa akazindaalo ne nsomeramu ennamba yange ey’essimu.
 
Kyokka omusomo gwali tegunaggwa ne batandika okunkubira amasimu nga bulyomu angamba aneepikira.
 
Nawulira essanyu nga linzita era nagenda njogera nabo nga nsengejja okumalako wiiki yonna naye ng’oluusi tubikomya ku ssimu kubanga baali tebasobola kuva Kampala kujja Kaliisizo. 
 
Naye mba ndi awo, ne nfunamu ava mu kitundu kyange eyanyanguyiza embeera. 
Twasisinkana ne tusiimagana era kati tuli bafumbo nga tubumazeemu emyaka ebiri. 
 
Embeera mu kiseera kino etambula bulungi kubanga byonna bye nsoma mu misomo gino ngezaako nnyo okubiteeka mu nkola era y’ensonga lwaki nasazeewo ne mukyala wange obutamuleka mabega naye asobole okugabana ku mugaati guno. 
 
Omukyala ayogedde
 
Ye Sarah Namwanje agamba nti musanyufu nnyo okusisinkana omwami we kuba mu bonna abaamukubiranga ye gwe yasiima.
 
Ate nga ne byakola abitegeera kubanga obubaka bwonna bwagya mu misomo gino abutwala nga bukulu nnyo.
 
Aba Bukedde mwebale nnyo era tubasaba emisomo gino mugireeteko e Masaka n’abalala bafune omukisa okuwulira ku bigambo ebiruhhamya abaagalana ate bafune n’ababeezi ababangule nga bayiseeko ewa ssenga wa Bukedde.

More From The Author

Emboozi z’omuwandiisi endala

Emboozi endala

760c92ca9f694295837ec90b52ac134f 220x290

Ssekiboobo aziikiddwa mu kitiibwa...

Omwami wa Kabaka ow'essaza ly'e Kyaggwe eyawummula, Ssekiboobo Alex Benjamin Kigongo Kikonyogo olwaleero aziikiddwa...

A84388d55eaa4efa9fcc00052969dc53 220x290

Omuyimbi Grace Ssekamatte alwanaganye...

Omuyimbi Grace Ssekamatte omu ku ba dayirekita ba Golden band asiibuddwa okuva mu ddwaaliro gy’amaze wiiki nnamba...

Cor 220x290

Beerumirizza okusaddaaka owabbooda...

OMUTUUZE eyasaddaakiddwa ne bamusuula mu kinnya okumpi n’ekyuma ky’omugagga Ephraim Bbosa, akwasizza abantu bana...

Tra 220x290

Eddagala lya ARV’S lisobola okulwanyisa...

OLWALEERO tewali ddagala ttuufu lyazuuliddwa okuba nga lijjanjaba obulwadde bwa COVID 19 .

Tabu 220x290

Ziizino endwadde endala ezirina...

ABANTU 44 baakakasiddwa mu Uganda nga balina ssennyiga omukambwe (coronavirus) era bajjanjabwa nga n’abalala bateekeddwa...