TOP

Gwe napakukira okuwasa yakimmalako

By Musasi wa Bukedde

Added 7th September 2019

NZE Patiriisi Kyewalabye 30, mbeera Mukono. Kiba kyabuvunaanyizibwa okusooka okutwala obudde okwetegereza omuntu nga tonnasalawo kumuwasa oba okumufumbirwa okwewala okwejjusa obulamu bwo bwonna.

Mwa 703x422

Kyewalabye

Mu 2011, naganza omuwala eyali alabika obulungi. Olwokuba nali namwegomba okumala akabanga, saatwala bbanga ddene kumwetegereza era waayita mbale nga tutandise obufumbo.

Mikwano gyange gyandabula ku nsobi gye nali nguddemu wabula olw’omukwano omungi gwe nalina eri munnange, ssaabawuliriza okutuusa lwe nakyezuulira.

Omukyala yandagirawo emize gye nga tewannayita wadde omwezi.

Yali mulimba nnyo nga ne bw’oba omukwatidde mu nsobi takkiriza. Obuvunaanyizibwa bw’awaka bwo yali yabusuula era ng’ebiseera ebisinga nze neekolera emirimu.

Omulimu gwe omukulu gwali gwa kunsabanga ssente na kutambula mu banne mpozzi n’okubunyisa enjiri nga bwe yafumbirwa omusajja omugonvu.

Ebintu byonna bye yakolanga byannuma ne nejjusa ekyamumpasisa. Nagezangako okumubuulirira naye ne yeerema.

Mu bbanga lya myezi mukaaga, natuuka ekiseera ne mpulira nga mukooye wabula ne nsigala nga nkyagumye kubanga nali saagala kweswaza mu bazadde ne mikwano gyange abandabulanga.

Neenyiwa omulundi gumu ne mmulagira ave mu maka gange, kye yakkiriziganya nakyo nga takaayanye.

Omuwala oyo yandeetera okusooka okwenenya ebyomukwano okutuusa lwe nafuna omulala gwe nnina kati era tulina abaana babiri.

More From The Author

Emboozi z’omuwandiisi endala

Emboozi endala

Kkooti1 220x290

Poliisi eremeddwa okutwala fayiro...

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu...

Luwum 220x290

Abattakisi beegugunze olw’okuggala...

ABAGOBA ba takisi mu ppaaka enkadde abakozesa omulyango oguli ku Luwum Street bavudde mu mbeera ne bateeka akaziko...

Namanve 220x290

Ab’e Namanve balaajanidde ab’ekitongole...

ABATUUZE b’e Namanve (Kireku leerwe) abali ku ttaka ly’ekitebe ky’eggaali y’omukka, balaajana oluvannyuma lw’ekitongole...

Remassebunnya 220x290

Eyeekiika mu bba wa Rema aggyeeyo...

OMUSAJJA eyavaayo ne yeesimba mu bba wa Rema, abamu kye baataputa ng’ayagala okugootaanya emikolo gy’okwanjula,...

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...