TOP

Mukwano gwange yansigulako omuwala

By Musasi wa Bukedde

Added 21st September 2019

NZE Hakim Male nga mbeera Kireka Railway mu munisipaali y’e Kira. Siryerabira mukwano gwange gwe nali mpita owange ennyo eyeegwanyiza mukyala wange n’atuuka n’okutwawula.

Tuula 703x422

Twasisinkana ne mukyala wange emyaka ebiri emabega ng’akyasoma kyokka gwe nali nkozesa nga katumwa yali mukwano gwange.

Mukwano gwange ono namwesiga nnyo era omuwala bwe yabanga n’ekizibu nga kiri wakati wange naye ng’amukubira essimu n’amuwa ku magezi.

Wabula oluvannyuma ate mukwano gwange ono yatandika okukwana mukyala wange nga buli kiseera asiiba amukubira amasimu.

Omuwala yasooka n’asirika wabula yalaba kimususseeko, kwe kuntegeeza nti mukwano gwange yali amulemeddeko ng’amutegeeza kimu nti beeyagale mu kyama.

Ebigambo bino byankuba wala ne mbisirikira wabula era ne nkiwa obudde naye omulenzi yasigala alemedde ku nsonga.

Waliwo lwe nasanga omuwala ng’agenda ewa mukwano gwange amuyambeko okumukolera ebbaluwa esaba omulimu nakyo ne kinkuba wala.

Mukwano gwange bwe yakitegeera nti mmuguddemu, ensonyi yazifuula busungu n’essimu yange ‘n’agibulookinga.’

Nange kye nakola kwe kumwesalako era ne bwe mmusanga tetwogera kyokka n’omuwala gwe yansigulako takyali naye.

Ndabula bavubuka bannange n’abaagalana bonna obuteesiga mikwano gyammwe mu nsonga z’omukwano kubanga abasinga babeera n’ebigendererwa birala.

More From The Author

Emboozi z’omuwandiisi endala

Emboozi endala

Enanga1 220x290

Taata wa Enanga atuuyanye ku by’ettaka...

TAATA w’omwogezi wa poliisi mu ggwanga, Fred Enanga abadde mu kaseera kazibu ng’annyonnyola engeri ye ne mutabani...

Lukwago 220x290

‘Sasula obukadde 50 oba ogende...

Sandra Katebaralwe, mukyala wa Paasita David Ngabo eyacaaka ennyo olw’okusabira FDC ng’alumba gavumenti ye yadduka...

Omukyala w'olubuto bamulagajjalidde...

Omukyala w'olubuto bamulagajjalidde

Taxi5 220x290

Poliisi emukutte awambye abaana...

POLIISI y’e Bujuuko etaayizza omusajja agambibwa okuwamba abaana b’essomero n’emussa ku mpingu. Yeewozezzaako nti...

M71 220x290

Museveni awadde Sabiiti ekiragiro...

PULEZIDENTI Museveni awadde amyuka omuduumizi wa poliisi mu ggwanga, Maj. Gen. Sabiiti Muzeeyi, ennaku bbiri aveeyo...