TOP

Obwesige bwa ‘ddaali’ bumpa amaanyi

By Musasi wa Bukedde

Added 5th October 2019

LIBEERA ssanyu jjereere ng’omuntu alabye ku mwagalwa we naddala ng’abadde amaze ebbanga nga tamulaba.

Pita 703x422

Embeera bweti eyamba n’okuzza omukwano gwemmwe obuggya buli lwe musisinkana. Nze Stephen Ndora, mbeera Kampala naye nga nzaalibwa Kyenjojo.

Nafuna mwana muwala gwe nnasiima era ne mmwagala okuzaama okukkakkana ng’afuuse mukyala wange antokoseza ettooke nga nzizeeyo okumulabako e Kyenjojo mu luwummula.

Ono twasisinkana mu 2006 era akaseera kano ke tweyambisa buli omu okumanya munne n’ekigendererwa ky’obutatomera.

Kino kyatuyamba buli omu okumanya munne n’okumanya ebinyiiza oba ebisanyusa munne.

Ekyasinga okunsanyusa n’okunywerera ku mukyala wange, bye bisuubizo bye twakola naye omwali okwagalana nga buli omu mwerufu eri munne era kino mukyala wange simuwaayiriza afubye okukikuuma.

Ebbanga bwe lyagenda ligenderera enkolagana yaffe yaggumirira ddala era nga kati twasobola n’okuzaala abaana baffe bana era nga nabo bali mu kyalo e Kyenjojo gye nnabaleka ne nnyaabwe nze ne nzijja eno e Kampala okuyiiya ekikumi.

Newankubadde nga ndi eno mu kibuga ntetenkanya, nga ye namuleka mu kyalo, ndi mumativu nti mukyala wange nja kumusanga mu mbeera nnungi nga bwe nnamuleka kubanga mmwesiga.

Ekiseera bwe kyetoloola, omutima gumanyi okunnumira abantu bange era oluusi mpuubayo olubu lw’ekigere ne mbalabako n’akatono konna ke mbeera nsobodde ekyongedde okunyweza enkolagana yaffe.

Ate ne mukyala wange essanyu ly’andaga n’omukwano gwe tulina, siyinza kumwabulira era buli olukya nnyongera kusaba Katonda ankuumire mu ssanyu wamu ne famire yange.

More From The Author

Emboozi z’omuwandiisi endala

Emboozi endala

Davidssekandingalagaengeriamatookegegyegayonooneddwaenkubawebuse 220x290

Ab'e Mukono beeraliikiridde enjala...

Abatuuze b'e Nassaka mu Mukono beeraliikiridde olw'enkuba eboonoonedde ebirime

Whatsappimage20191021at1439041 220x290

Zani Lady C awera kudda mu nsiike...

Zani Lady C omuyimbi ate nga muzannyi wa ffirimu akomyewo n'akayimba okuddamu okuvugannya mu nsiike y'okuyimba....

Kkobewebuse 220x290

Mwewale okufiira ku mirimu gy’okukozesebwa...

Abamalirizza emisomo bakubiriziddwa obuteesiba ku mirimu gya misaala emigereke bwe baba baagala okwewala ekkomera...

Joseph8webuse 220x290

Bwe mukoledde ebibuuzo mu kizimbe...

Fr. Joseph Ssebayigga asabidde abayizi ba St. Joseph Girls Primary School e Nsambya aba P7 ng'aggulawo ekizimbe...

Vipers 220x290

Vipers yeeweredde BUL

Mu nsisinkana etaano ezisembyeyo,Vipers ewanguddemu emipiira ena (4) so nga BUL gumu.