TOP
  • Home
  • Ssenga
  • Omusajja omukodo abuza omuliro mu laavu

Omusajja omukodo abuza omuliro mu laavu

By Musasi wa Bukedde

Added 16th November 2019

TEWALI kintamizza basajja nga bukodo. Balinga abatamanyi nti omukyala yenna aweebwa kubanga kibi nnyo okukama ente gy’otowa biwata. Ggwe weebuuze amata ganaava wa?

Buza 703x422

Nze Sophie Nakibirango 25, mbeera Najjanankumbi. Nnatuuka nga nfuna omwami eyali omulungi mu ndabika nga kizibu okukwana omukazi n’amugaana. Kale bwe yansuula akagambo nti nkwagala, nasooka ne nsirika naye naddamu nti nzikirizza mu mutima.

Omanyi bagamba nti omulungi tabulako kamogo nga njagala nsooke mmanye akamogo ono kaalina.

Wabula namugamba nti okumuwa omutima gwange, kansooke mwetegereze manye obuzibu bw’alina hhende okumuwa omukwano gwange nga mutegeera.

Kino kyantwalira emyaka ebiri nga mwetegereza wabula mu bbanga eryo lyonna nga talina kampa ke nnyinza okugamba nti ke kano.

Ono gye yakoma obulungi gye yakoma obukodo. Wabula nnakoma kw’egyo seeyongerayo mu bufumbo nga bwe yali ansaba.

Bwe yayagalanga okundaba ng’ankubira ne hhenda okumusisinkana ne tulya n’okunywa olwaggwa ng’ansiibula n’akwata erirye nange ne nkwata eryandeese.

Okumanya omusajja ono yali mukodo, nga tayinza na kumpa tulansipooti gwe mba nnakozesezza oba anzizaayo.

Lumu namugezesa ne mugamba waliwo olugoye lwe njagala okugula lwa 50,000/- nga njagala annyongereze ku ze nnina ndugule.

Bwe nayogera ku ky’okumpa ssente, ye yali entandikwa y’okwawukana kwaffe anti yanziramu kimu nti ajja kulungulira era teyaddamu kukwata ssimu zange.

Nange era kye nnakola kwali kusangulamu nnamba ya ssimu ye ne mmuta era ne nkimanya ni abasajja abakodo tebaagalika.

More From The Author

Emboozi z’omuwandiisi endala

Emboozi endala

Whatsappimage20191206at004506 220x290

Omunigeria Wizkid afuukudde abadigize...

Abantu beeyiye ku Airstrip e Kololo mu kivvulu ky'Omunigeria Wizkid, mu kivvulu ekyatuumiddwa #DirtyDecember Ba...

Nicho 220x290

Amagye gasazeeko ffaamu ya taata...

AMAGYE ne poliisi basazeeko ffaamu ya taata wa Bobi Wine omugenzi Wellington Jackson Ssentamu e Gomba.

Sevo 220x290

Museveni ayongedde ggiya mu kulwanyisa...

PULEZIDENTI MUSEVENI ayongedde ggiya mu kulwanyisa abali b’enguzi era n’awa amagezi abawa abantu emirimu mu bitongole...

Ppp2 220x290

Abantu 20 be bafa obulwadde bw'akafuba...

Bebe Cool akoowoodde Bannayuganda okumwegattako mu kulwanyisa obulwadde bw’akafuba emu ku ndwadde zi nnamutta mu...

Ucumussanyu9214 220x290

UCU Lady Canons ewangudde n'edda...

JKL Dolphins yeetaaga kuwangula nzannya bbiri ku UCU Lady Canons okusitukira mu kikopo kya sizoni eno.