TOP

Abakugu balaze langi z'olina okussa mu nviiri otambule n'omulembe

By Musasi wa Bukedde

Added 2nd May 2016

Abakugu balaze langi z'olina okussa mu nviiri otambule n'omulembe

Kiv1 703x422

Ono yataddemu maluuni n’anyuma.

DIANAH Shabz Namaganda abeera Salaama. Y’omu ku bawala abakola emisono gy’enviiri egyawukana ku gya bulijjo. Yayogedde ne RONNIE MARK KIYINGI n’amubuulira by’akola okwekuumira ku mulembe.

ENVIIRI: Nsanga obuzibu okusiba enviiri ne sitobekamu langi. Waakiri nsiba langi bbiri ne kinnyamba okulabika nga ndi wanjawulo ate nga nnyumye. Kino kyongera ekirungo mu nviiri zange n’okukwatagana ne bye mba nnyambadde.

Abantu abandaba oluusi bantunuulira ku mutwe nga tebanzigyako maaso olw’okuba mba ntaddemu langi esukka mu emu. Ekirala kye nazuula mu kutobeka langi, kirina engeri gye kikulaga nti oli wa waggulu. Kino kinnyongera okwekkiririzaamu.

OLUSUSU: Nagaana okukyusa langi y’olususu lwange okweyerusa. Okulukuuma nga lulabika bulungi nnywa liita ssatu ez’amazzi olunaku. FFIGA: Okuba ne ffi ga ennungi tekitegeeza kubeera mutono ng’ekkalaamu.

 

Bw’oba n’ekitundu ky’omubiri gwo ekisikiriza gamba nga akabina, ekyo kikumala okuzimbirako ffi ga. Buli lw’owulira abasajja nga bagamba nti wabula omuwala oyo yakula omubiri oba nti aliko bbode, ekyo kitegeeza basiima kye balaba. Ne bw’oba munene kakasa nti ekitundu ekikutunda kivaayo ng’oyambadde.

ENGOYE: Omusono gwa leegingi ngwettanira engeri gye zibikka ebisambi n’amagulu, ate nga gunnyumira.

EKIMU ku bintu ebinyumisa enviiri kwe kuziteekamu langi. Abawala n’abakyala abamanyi ebiriwo bw’asiba oba okukola omusono gw’enviiri ateekamu langi.

Bw’aba asibye kaviiri akatabika, ate bw’aba asaniridde musono mu nviiri ze ateekamu akatobekamu langi gy’asiimye. Ekirungi nti okutobeka langi tekuliiko kika kya nviiri oba akaviiri. Okugeza osobola okutobeka emiguwa gya ‘braids’ oba ‘twisiti’.

Oyinza n’okutobeka wiivu n’olabika bulungi. Bw’eba wiigi gye bambala osobola okufuuyiramu langi gy’oyagadde. Abantu abasinga batobeka langi okusinziira ku kifo ky’agendamu, okugeza ssinga oyitibwa ku kabaga akalina obukwakkulizo bwa langi gamba nga ‘white party’, ‘red and black party’, n’obulala.

Osobola okutobeka langi ng’osinziira ku bukwakkulizo. 1 Sooka okakase nti omuntu akulondera langi ez’okutobeka mu nviiri amanyi bulungi ky’akola okukakasa nti langi z’otobese zikwatagana bulungi.

 read yazitaddemu maluuni ‘Dread’ yazitaddemu maluuni.

 2 Bw’oba osiba emiguwa, weewale okuteekamu langi ezisukka mu bbiri, ojja kulabika bulala. Ennaku zino ebiviiri bye basibamu emiguwa bikolebwa nga wansi gye bisemba birimu langi ey’enjawulo.

3 Tosiba miguwa nga buli gumu gulina langi ey’enjawulo, tojja kunyuma. Bw’oba waakugatta langi mu miguwa siba omuguwa nga gulimu langi ez’enjawulo.

4 Langi gy’ogenda okutobeka mu nviiri zo esaana n’eba ng’ekwatagana ne langi gy’osiize ku njala oba ku mimwa.

Eyinza okuba nga tefaanagana naye ng’egenderako. 5 Bw’omala okutobeka langi mu nviiri zo, weewale okwetonaatona okuyitiridde kubanga ekyo kikulabisa ng’ekibumbe ekisiige mu langi ez’enjawulo.

Bw’oba olina langi bbiri mu mutwe, ate lwaki oyambala engoye ezirimu langi eziwerako. Funa olugoye olutaliimu langi nnyingi oba nga tezisasamaza.

 agasseemu maluuni kitaka nenzirugavu Yagasseemu maluuni kitaka n’enzirugavu.

 LANGI Z’OTOLINA KWESIBAKO: Waliwo abantu abasiba enviiri ne batobekamu langi kyokka ne batanyuma. Ekyo ebiseera ebisinga kiva ku kika kya langi enkyamu, etanyuma, oba etagendera ku nviiri ze ne ku lususu lwe.

Omukyala asussa emyaka 35 tolina kwesiba ku langi ezaaka. Langi ezimu ziba za maanyi ku myaka gyo era ng’olina kuzirekera bavubuka. Langi nga emmyuufu, kyenvu oba kakobe ayaka zeesonyiwe. Langi gy’otobeka mu nviiri zo erina okuba ng’ekwatagana n’olususu lwo.

Omuddugavu teweesibaako langi ya kakobe kubanga eyongera okukulabisa ng’oli muddugavu nnyo. Omuddugavu osobola okutobeka langi ya zaabu entonotono oba maluuni omutonotono. Bw’oba mweru, langi ya zaabu ne kyenvu tozeesibaako nnyo. Kozesa kitaka n’enzirugavu ojja kulabika bulungi.

Ekirala bw’oba otobeka langi, olina okugenderera omulimu gw’okola n’ekifo w’okolera. Bw’oba okolera mu ofi isi, weewale okutobeka langi ezaaka ennyo kubanga zisasamaza abantu. Langi ezaaka zisinga kunyumira abawala abakola mu bifi o ebisanyukirwamu kuba emirimu gyabwe giba gya kiro.

 asibye emiguwa ya kakobe egikwatagana ne lipusitiiki gwagisiize Yasibye emiguwa ya kakobe egikwatagana ne lipusitiiki gw’agisiize.

 Bano baddembe okutobeka langi nga bwe baagadde. Langi naddala ezaaka zisika amaaso era kizibu okubeera mu kifo ne batakulaba. Ekirala, waliwo langi ezitanyuma kutobeka na langi ndala mu nviiri.

Gamba nga langi enjeru, ne kyenvu era tewali nsonga lwaki ozeesibako. Mpozzi ng’ogenda kuwagira mupiira mu kisaawe era ng’oluvaayo ng’ozisumululayo. Bw’oba ogenda ku mukolo gamba nga embaga n’okwanjula, langi yonna gy’otobese mu nviiri zo kakasa nti ekwatagana n’olugoye lw’oyambadde

More From The Author

Emboozi z’omuwandiisi endala

Emboozi endala

Isco 220x290

Isco agenda ku 'kiso'

Abakungu ba Real Madrid baategeezezza nti abasawo beekebezze Isco, ne basanga ng'alina okulongoosebwa mu bwangu...

Mic3webuse1 220x290

Bayiiyizza sigiri eneetaasa obutonde...

Obutonde bw'ensi busaanyiziddwaawo abantu mu kwokya amanda, okutema enku n'ebirala ng'obwetaavu bw'okuyiiya ebintu...

Butwa2 220x290

Babateze obutwa mu busera, omu...

EKIKANGABWA kigudde ku kyalo Katuulo mu ggombolola y'e Kyazanga mu disitulikiti y'e Lwengo omuntu atanamanyika...

Nakiwala 220x290

Nakiwala avuddeyo ku mwana omubaka...

Minisita Nakiwala Kiyingi waakukaka omubaka Onyango okulabirira omwana gwe yasuulawo.

Kambale1 220x290

KCCA etandika ne Soana, Villa ne...

Okusinziira ku nsengeka ya liigi eno eyafulumiziddwa Bernard Bainamani agikulira eggulo, bakyamipiyoni ba sizoni...