TOP

'Omuzimbi yansaba nfuke mu musingi ne hhaana, enju yannema okumaliriza'

By Musasi wa Bukedde

Added 11th June 2016

Mu 2014 nagula poloti e Wakiso. Nasooka ne nzimbawo ennyumba ya bisenge bisatu ne ngiyingira okwewonya okupangisa.

Saba 703x422

Omusajja ng’asalira enkoko wagenda okuzimba obMsgr. Kanyike utafuna buzibu.

NZE John Mugerwa ow’e Wakiso. Mu 2014 nagula poloti e Wakiso. Nasooka ne nzimbawo ennyumba ya bisenge bisatu ne ngiyingira okwewonya okupangisa.

Oluvannyuma nafuna looni ya bukadde 35 okuzimba ennyumba ennene. Nafuna ekirowoozo ekizimba kalina entonotono era ne ngula ebikozesebwa ebisinga ne tutandika.

Ng’abazimbi basimba empagi eziwanirira kalina, omu yansaba enkoko y’okusalira mu musingi ne mugamba nti ebyo sibikola.

Teyampakanya nnyo nang'amba nti ekyo bwe mba nkigaanyi waakiri mpitewo ekiro nfuke omusulo mu musingi nakyo ne nkigaana. Baasimba empagi ne tuyiwa ne siraabu.

Wano mukwano gwange omukubi wa pulaani we yajjira n’antegeeza nti poloti yange ngizimbyemu bubi nnankubira pulaani entuufu.

Yampa amagezi bwe mba nnina ssente ebyo mbimenyewo ngoberere pulaani entuufu kye nakola.

Wabula tuba twakamaliriza okupangulula emitayimbwa, muganda wange n’afa era emitayimbwa gino, omusenyu n’amayinja bye twatoolako okuzimba entaana.

Endabirwamu ze nali nguze nagenda okuddamu okuzikeberako nga zaayatika dda. Kati waasigalawo tayiro zokka kyokka ennyumba yannema okuddamu okusitula.

Ndi musajja Mukatuliki naye nafunamu ekirowoozo nti ebintu bino birabika bikola era bw’oba otandika okuzimba olina okugisalira oba okukolayo ekintu kyonna okwetaasa ku bantu ababi n’ebizibu ebiyinza okukutuukako n’ennyumba yo.

More From The Author

Emboozi z’omuwandiisi endala

Emboozi endala

Kig7 220x290

Omugagga Ham azzeemu ebibuuzo 20...

Omugagga Ham azzeemu ebibuuzo 20 ku katabo ke n'obulamu bwe.

Abamukubakulembezebekasawoababaddebeetabyemulukungaanaluno 220x290

Ab'e Kasawo bakukkuluma olw'ababasaba...

“Twetaaga okumanya ekituufu ku nsonga z’okwewandiisa oba nga ssente ziteekeddwa okusasulwa tusabe obuyambi okuva...

Kabuta2 220x290

‘Temwongeza bbeeyi ya nnyama ku...

Abatemi b'ennyama abeegattira mu kibiina kya, “Kampala Butcher Trader’s Association” (KABUTA) ekikulemberwa Sennabulya...

Ras22 220x290

Bakitunzi ba Rashford bamutaddeko...

Rashord, 21, yava mu akademi ya ManU okwegatta ku ManU kyokka waliwo ebigambibwa nti Barcelona emuperereza.

Barnabasnawangwe703422 220x290

Makerere University esabye Gav't...

YUNIVASITE y’e Makerere esabye gavumenti egyongere obuwumbi 47 ziyambe mu kukola ku by’okusasula emisaala gy’abakozi...