TOP

Sikaati empanvu gitobeke bw’oti

By Musasi wa Bukedde

Added 17th September 2016

Sikaati empanvu gitobeke bw’oti

Yu1 703x422

OMUSONO tegudiba, gweyubula bweyubuzi ne sikaati ezikoma mu ntumbwe zikomyewo. Sikaati zino ziri fasooni ne mu langi ez’enjawulo okugeza; kitaka, kiragala, enzirugavu n’endala nnyingi. Abawala bangi bazettanidde kubanga buli wamu zigenda.

Rose Zalwango atunda engoye mu Kampala agamba nti sikaati eno ekolebwa mu matiiriyo ez’enjawulo okugeza nga ppamba, satini n’endala naye nga nneetoolovu. Wabula bw’oba ng’ogyambadde tolina kwambalirako bbulawuzi nnene kubanga nayo eba nnene ekimala. Agattako nti bbulawuzi olina okugikuba ekikalu faasoni ya sikaati eno esobole okuvaayo obulungi oba olina okwambalirako bbulawuzi ng’etuulako butuuzi.

Ekirala sikaati eno esinga kunnyumirako engatto ng’esituse omuntu ayinza obutategeera faasoni kubanga oba oli wansi. Sikaati eno eri mu ngoye nkadde ne mu mpya era ng’egula 20,000/- n’okudda waggulu. Tinah Nandawula ow’omu Kampala akulaze engeri ennyangu gy’oyambalamu sikaati eno n’onyuma.

EBBEEYI Y’EBYAMBALO

Bbulawuzi eya kyenvu ya 15,000/- n’okudda waggulu Eky’omu bulago ekya 10,000/- Ensawo ennene ya 35,000/- Engatto emmyufu za 40,000/- n’okudda waggulu. Bbulawuzi enzirugavu ya 15,000/- Eky’omu bulago ekiwanvu kya 8000/- Engatto enzirugavu zigula 40,000/- Ensawo ya 10,000/- Akasawo akamyufu ka 15,000/- Engatto y’obukondo ya 30,000/- KU KABAGA Yambalirako bbulawuzi nga ya mikono miwanvu osseeko n’eky’omu bulago ekinenenene, akasawo akatono oyambalireko n’engatto ensitufu obulungi.

KU MULIMU Yambalirako bbulawuzi nga ya mikono mimpimpi, eky’omu bulago nga si kinene nnyo, engatto empanvu okwatireko n’ensawo ennene.

KU WIIKENDI Kuno yambalirako kabbulawuzi nga katuulako butuuzi oba nga kalaga ku lubuto okwatireko n’akasawo akatono aka ‘crossbag’ n’engatto ey’akakondo akatonotono ojja kulabika ng’omukazi atambula n’omulembe. esobole okuvaayo obulungi naye bw’oyambalirako engatto ya wansi

More From The Author

Emboozi z’omuwandiisi endala

Emboozi endala

Nara 220x290

‘Nalaga Abamerika bannaffe be batta...

Grace Bukenya amanyiddwa nga BK akuba bulatti olwa Amerika okusitukira mu Kayihura.

Galabuzi 220x290

Ndi mwetegefu okuwa obujulizi ku...

AMERIKA olwatadde nnatti ku Gen. Kale Kayihura, ne wavaayo abantu abamulumiriza okubatulugunya nga basaba atwalibwe...

Kolima1 220x290

Ekkoligo lya Amerika ku Kayihura...

EKKOLIGO Amerika lye yatadde ku Gen. Kale Kayihura littukizza ensonga z’okutemulwa kwa Kaweesi ne Kagezi, ng’abaakwatibwa...

Img0317webuse 220x290

Obuwempe bw’oku mmeeza mwe nzudde...

Okuluka obuwempe bw'oku mmeeza mwe nazuula omukisa gw'okukola ssente

Aktalewebuse 220x290

Ab'e Kamuli bakaaba lwa mbeera...

Embeera y'akatale ne ppaaka y'e Kamuli bitulemesezza okukola ssente