TOP

Abagagga basindanye mu ssente ku mukolo gw'okwanjula muwala w'omugagga Butebi

By Kizito Musoke

Added 2nd April 2018

MAAMA Fiina yalaajanye bamuleetere ensawo ye, oluvannyuma lwa ssente okumuggwaako bwe yabadde asindana n’omugagga w’e Mityana, Emmanuel Ssembuusi Butebi mu kugabira omugole ssente.

Suula1 703x422

Maama Fiina yatunudde n’asoberwa ng’omugagga Butebi asuula doola ate nga ye agaba bwa 20,000/-. Ku kkono ye mugole Resty Nakanaabi gwe baabadde basuulira ssente. Mu katono ze ssente omugole ze baamuwadde.

Baabadde ku mukolo gw’okwanjula kwa Resty Nakanaabi muwala w’omugagga Butebi era mwannnyina w’omubaka wa munisipaali y’e Mityana, Francis Zaake.

Omukolo gwabadde ku kyalo Buswabulongo e Mityana ku Lwomukaaga nga March 24, 2018.

Maama Fiina eyabadde agaba obupapula bw’e 20,000/- yasoose kusindana ne Zaake eyabadde agaba 50,000/-.

Oluvannyuma Butebi yayingiddewo ng’asuula doola, era Maama Fiina yatuuse ekiseera n’asiriikirira ng’alaba asobeddwa.

 erald ngamema ne esty Gerald ng’amema ne Resty.

Ssente ze yabadde agaba zaamuweddeko olwo n’alaajana ng’ayita muwala we, Fiina eyabadde n’ensawo omuli ssente okugyanguya. Oluvannyuma yazzeemu okumansa ssente era yategeezezza nti omugole yamuwadde obukadde 10.

Ate Gen. Katumba Wamala yakubizza abantu enduulu bwe yatudde ne Zaake agambibwa okuba nga yamukuba ekikonde mu lutalo lwa Togikwatako.

Maama Fiina yasesesezza abantu bwe yamwebazizza okumukuba eηηumi, kyokka n’amusiima obutamukuba nnyo kumutta.

 en atumba amala ku kkono rancis aake ne arold aija amyuka saabawandiisi wa Gen. Katumba Wamala (ku kkono), Francis Zaake ne Harold Kaija amyuka Ssaabawandiisi wa FDC.

Omukolo gwetabyeko bannabyabufuzi okwabadde; Loodi Meeya Erias Lukwago, Kato Lubwama (Lubaga South), Mubarak Munyagwa (Kawempe South), John Baptist Nambeshe (Manjiya), Muwanga Kivumbi (Butambala), Babirye Kabanda (mukazi/Masaka), David Lukyamuzi Kalwanga (Busujju).

Aba Buganda baakulembeddwaamu; Namasole Siwoza Nagawa, Ssabalangira Godfrey Musanje, Ssaabaganzi Emmanuel Ssekitooleko, Joseph Kawuki (minisita omubeezi owa Gavumenti z’ebitundu eyakiikiridde Katikkiro wa Buganda) awamu n’abasuubuzi aba maanyi mu ggwanga.

Abayimbi abaasanyusizza abantu kwabaddeko ; David Lutalo, Stecia Mayanja, Catherine Kusaasira, Haruna Mubiru, Stabua Natoolo, Charles Sekyewa, Rema Namakula n’abalala.

More From The Author

Emboozi z’omuwandiisi endala

Emboozi endala

Archbishopwilberforcekityoluwalirathenamirembedioceseheadrehabilitationmarathonrun2017willbeheldatthenamirembecathderalgroundsonapril2920171 220x290

Bp. Luwalira yennyamidde ku ttemu...

OMULABIRIZI ‘e Namirembe Rt. Rev. Wilberforce Kityo Luwalira awadde obubaka bw’amazuukira n’alaga okwennyamira...

Kig7 220x290

Omugagga Ham azzeemu ebibuuzo 20...

Omugagga Ham azzeemu ebibuuzo 20 ku katabo ke n'obulamu bwe.

Abamukubakulembezebekasawoababaddebeetabyemulukungaanaluno 220x290

Ab'e Kasawo bakukkuluma olw'ababasaba...

“Twetaaga okumanya ekituufu ku nsonga z’okwewandiisa oba nga ssente ziteekeddwa okusasulwa tusabe obuyambi okuva...

Kabuta2 220x290

‘Temwongeza bbeeyi ya nnyama ku...

Abatemi b'ennyama abeegattira mu kibiina kya, “Kampala Butcher Trader’s Association” (KABUTA) ekikulemberwa Sennabulya...

Ras22 220x290

Bakitunzi ba Rashford bamutaddeko...

Rashord, 21, yava mu akademi ya ManU okwegatta ku ManU kyokka waliwo ebigambibwa nti Barcelona emuperereza.