TOP

Engeri ekigagi gye kinyiriza enviiri

By Musasi wa Bukedde

Added 11th August 2018

EKIGAGI lye limu ku ddagala eritakyava ku mimwa gya Bannayuganda. Bangi bakisimbye mu mikebe awaka olw’emigaso emingi egiri mu kimera kino.

One 703x422

Ekigagi kiyooyoota enviiri.

Wabula ng’oggyeeko okuvumula endwadde omuli omusujja, ekigagi kirina emigaso emirala mingi, ate nga kyangu ddala okukozesa ssinga obeera okifunye.

Ekimu ku bye kikola mwe muli okuyooyoota enviiri.

Eno y’ensonga lwaki ebizigo by’enviiri bingi ebitundibwa ensangi zino bw’osoma ku kikebe okubeera ebirungo ebiteereddwa mu bizigo bino, ojja kwesanga nga mulimu ekigagi (Aloe Vera).

Era waliwo ne tulitimenti w’enviiri alimu ekirungo ky’ekigagi era ng’akola bulungi.

ENGERI GYE KINYIRIZA ENVIIRI

 Bw’osiiga ekigagi mu nviiri zo, kiteekamu ekirungo ekirongoosa olususu lw’omu mutwe okuluwonya situka, so ng’ebirungo bya vitamiini, eminnyo n’olusavusavu, bikuuma enviiri nga mpeweevu ate nga zirabika bulungi.

 Ssinga okisiiga wansi ku mirandika gy’enviiri kiziyamba okukula obulungi nga ngumu ate ng’era kiyamba okuzibikira obutuli ku lususu lw’omu mutwe obwandibadde butuuyanya enviiri n’ofuna situka.

 Kiyamba enviiri okukula ennyo. Ssinga okisiiga ku mirandira gy’enviiri kiziyamba okukula amangu ate nga zirabika bulungi, kubanga mulimu ekirungo ekigumya enviiri ate ne kizijimusa ne zikulira ku sipiidi eya waggulu.

 Kiyamba enviiri obutakutuka ate nga zibeera zitemagana. Kino kibaawo kuba ekigagi bw’okisiiga mu nviiri kizirekamu otuzzi otuziyamba obutakalambala.

ENGERI GY’OKIKOZESAAMU

 Funa ekigagi okisalemu wakati. Ojja kulaba amazzi gaakyo nga ganaanuuka ng’eminyira. Osobola okugakolokotako n’ogateeka mu kakopo akatonotono.

 Bw’ofuna agawera, ddira enviiri osooke ozaawulemu ebitundu bina ng’okozesa akasanirizo.

 Tandika okusiiga emazzi g’ekigagi ng’ova wansi ku mirandira gy’enviiri nga bw’odda waggulu.

 Bw’omaliriza ekitundu ekimu, osobola okusibamu ekituttwa.

 Bw’omaliriza, teekako akaveera olinde okumala eddakiika 30.

 Bwe ziggwaako akaveera kaggyeeko osanirire, ojja kulaba ng’enviiri zo zinyirira.

More From The Author

Emboozi z’omuwandiisi endala

Emboozi endala

Teekamu 220x290

Eyanzigya mu ssomero yeegaanye...

NKIZUDDE kati nti eyannimbalimba n’annemesa emisomo yali ayagala kunkozesa nga tanjagala bya ddala.

Funa 220x290

Okukkiririza mu Katonda kizza laavu...

OMUWALA yenna kasita akula, kibeera kitegeeza nti alina obulamu bw’alina okuvaamu ate adde mu bulala ne gye biggweera...

Tuula 220x290

Mukwano gwange yansigulak

NZE Hakim Male nga mbeera Kireka Railway mu munisipaali y’e Kira. Siryerabira mukwano gwange gwe nali mpita owange...

Funayo1 220x290

Omuyizi alumirizza omusajja okumuwamba...

POLIISI y’e Matugga ekutte n’eggalira omusajja agambibwa okutaayizza omuyizi abadde agenda ku ssomero n’amuwamba...

Kkooti1 220x290

Poliisi eremeddwa okutwala fayiro...

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu...