TOP

Akaviiri ka ‘Vibration’ tekava ku mulembe

By Musasi wa Bukedde

Added 15th September 2018

EMISONO gy’enviiri gijja ne giggwaako ate ne gittuka bupya. Akaviiri ka ‘Vibration Top piece’ kabaddewo emyaka, wabula ng’abakyala basinga kukakozesa ku mikolo naddala abagole.

Koma 703x422

Winnie ng’alaga akaviiri ka ‘Vibration’. Wano ng’akasibidde ku nviiri ze.

Kano kakozesebwa nnyo okusibwa emperekeze naddala abataba na nviiri ziwera ku mutwe.

Wabula ennaku zino akaviiri kano abakazi n’abawala bakasiba ne bw’eteba mbaga, era ne banyuma okukamala.

Winnie Endong atunda obuviiri ku Galiraaya yagambye nti akaviiri kano kakyase nnyo omwaka guno okuva mu mwezi gw’okutaano n’okutuusa leero.

Katundibwa wakati 10,000/- ne 15,000/-, wabula kisinziira ku ndabika y’amayengo agakalimu n’obuwanvu bwako.

Akaviiri kano kasibwa abakyala ab’emyaka gyonna naddala abalina enviiri empanvu eziweza ppaafu, kubanga kagattibwa ku nviiri zaabwe ne balabika bulungi.

Osobola okukeeteekako nga tosoose kugenda mu saluuni olw’engeri gye kaakolebwamu.

Bakatungirako akatimba akafaanana buno abakyala bwe babikka mu nviiri, wabula bwe bamaliriza okukatunga, wansi bateekayo obuguwa obuliko obuliba obuyamba okukasiba n’okukanyweza ku nviiri.

Bw’oba ogenda okukateeka ku nviiri, olina okukakasa nga ziweza bulungi ppaafu, n’ogikwata, n’olyoka okasiba ku ngulu.

Bw’oba tolina nviiri ziwera, osobola okugenda mu saluuni ne bakukolamu ‘geero’ ne bakasibako, wabula kino abakyala bakikola nnyo nga bagenda ku mikolo. Akaviiri kano tekakaddiwa.

Osobola okukasibira emyaka gy’oyagala nga tekakyuseeko, okutuusa lw’okakoowa n’okasuula. Kangu okulabirira kubanga buli kika kya ‘spray’ kikakolako.

Bw’oba waakukasiba nga wakasibako dda, osooka kukafuuyiramu ‘spray’ ne kanyirira. Bw’oba tolina ‘spray’ osobola okufuuyiramu amazzi, era kajja kulabika bulungi.

Akaviiri kano osobola okukasibira ku nviiri enkole n’ezitali nkole, kasita ziba mpanvu.

Bw’oba n’enviiri ezitali nkole, kirungi ne basooka bazookyamu ne zeegolola bulungi.

More From The Author

Emboozi z’omuwandiisi endala

Emboozi endala

Kt1 220x290

Poliisi ekoze ekikwekweto ku zi...

Poliisi ekoze ekikwekweto ku zi loogi n'egwa ku basinda omukwano

Cap1 220x290

AbaKulembeze mu kalungu batuuzizza...

AbaKulembeze mu kalungu batuuzizza olukiiko okutema empenda z'okulwanyisa COVID-19

Pop13 220x290

Poliisi etandise okunoonyereza...

Poliisi etandise okunoonyereza ku musirikale waayo eyakubye abaana be amasasi

Kafeera 220x290

Leero luno!

NG’ENSI eri ku bunkenke bw’ekirwadde kya Coronavirus, abamu ku Bannayuganda batandise okubiteekamu omuzannyo bo...

Gaali 220x290

Ono booda agiyita mmotoka?

ONO taata w’abaana ekiragiro kya Pulezidenti eky’emmotoka eza buyonjo okutikka abantu basatu yakifunye bulala....