TOP

Ennyambala y’abakyala ebatambuza n’omulembe

By Musasi wa Bukedde

Added 4th March 2019

LWA March 8 lunaku lw’abakyala mu nsi yonna. Mu kisaawe ky’emisono, waliwo abakyala abafaayo okutambula n’omulembe, era nga kizibu okumusanga nga tatuukiridde mu by’ayambadde n’engeri gye yeeyooyooseemu. MARY NAMBWAYO yatuukiridde abamu ku bakyala abeekuumira ku mulembe mwaka ku mwaka ne bannyonnyola engeri gye bakikolamu.

Jubilee 703x422

Desire Luzinda mu misono egimunyumira.

DESIRE LUZINDA Ono y’omu ku bayimbi abambala emisono egimunyumira. Ekirungi nti ffi ga ye enyumira buli ky’ayambala ate ng’afaayo okwenyiriza.

Ayambala emisono mingi era buli musono omupya ogujja afuba okugwambala asobole okutambula n’omulembe. “Okwambala nkuwa ekitiibwa kubanga abantu bangi abandaba era bye nnyambala birina okuba nga binnyumira.

Nnyambala ebiteeteeyi, ‘jump suit’, gomesi, empale za jjiini wabula ng’olugoye lwe nnyambala lusinziira ku mukolo gwe ηηendako.

Ate engeri gye nina ffi ga ennungi ntera okwambala engoye ezinkwata ffi ga yange esobole okuvaayo bulungi,” Luzinda bw’agamba.

1 Agattako nti; Gomesi nzambala kubanga ndi mukyala Muganda ate nkyenyumirizaamu nnyo era zino nzambala ηηenda ku mikolo gy’obuwangwa ng’okwanjula, okukyala wamu n’emikolo gy’ekikungu.

2 Ebiteeteeyi nnyambala ebinkwata era mbyambala mu langi ez’enjawulo ate nga bye biriko mu kaseera ako ate nga bya mutindo. Bino mbyambala ku mbaga, obubaga ne bwemba ku mirimu gyange egy’okuyimba.

3 ‘Jump suit’ nnyambala za kiraasi era nga zimpeesa ekitiibwa. Zino nzambala mu kaseera konna wamu ne ku mikolo gyonna. Ate empale nzambala bwe mba ηηenda okuyimba naye nga ntera kuzambala kiro naddala nga nina ekivvulu kuba zinkolera.

Luzinda agamba nti abantu abamutungira engoye bangi, wabula akozesa abo abalina ekitone mu by’okutunga kubanga baba bafuna engeri ez’enjawulo empya ez’okutungamu engoye ze naddala engoye z’ayambala ku mikolo gya ‘red carpet’. Mu bamutungira mulimu Kaivo Collection, Sham Tyra, ssaako Lillian Sheila amutungira ez’emikolo gya ‘red carpet’.

Matiiriyo z’ayambala zirondebwa abatunzi ababeera bagenda okumutungira olugoye. Wabula ayagala nnyo matiiriyo z’engoye ezinaanuuka nga ηηumu kubanga zibeera nnungi ku muntu alina omubiri oguli awamu.

“Bwe kituuka ku ngatto, njagala nnyo engatto z’akakondo akawanvu kubanga zimpa obuvumu ate zinnyamba okwambala obulungi, zirabisa bulungi n’ekintu ky’oba oyambadde n’osobola okunyuma.

Okusinziira ku mulimu gwange nsobolera ddala okwambala akakondo akawanvu kubanga nazimanyiira okuviira ddala nga naakamaliriza okusoma siniya era awo we neeyigiririza okwambala obukondo obuwanvu.”

Luzinda agamba nti mu kaseera kano ekisaawe ky’emisono kyongedde okubeera ekirungi kubanga abantu bangi abajja ate nga balina ebirowoozo eby’enjawulo okubeera nga kitambula bulungi.

Dizayini nnyingi ezizze, matiiriyo nnyingi ate ennungi mu katale ekiyambye abantu okusobola okwekulaakulanya ate nga basobola okukola engoye.

More From The Author

Emboozi z’omuwandiisi endala

Emboozi endala

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...

Abolukiikolwamukonodevelopmentforummdfngabatandiseokukolaemirimugyabwe 220x290

Olukiiko oluyamba Mmeeya okukulaakulanya...

Olukiiko olw'okuyambako Mmeeya w'e Mukono okukulaakulanya ekibuga lusomeseddwa ku nkola y'emirimu gyalwo