TOP

Langi efaanana olususu tekka bbeeyi

By Musasi wa Bukedde

Added 23rd March 2019

BULI muntu awulira bulungi ng’ayambadde olugoye, engatto oba okukwata ensawo nga buli akulabako atendereza nga bw’olabise obulungi, era olunaku olwo lukunyumira bya nsusso.

Wano 703x422

Omuwala mu langi efaanana olususu.

BULI muntu awulira bulungi ng’ayambadde olugoye, engatto oba okukwata ensawo nga buli akulabako atendereza nga bw’olabise obulungi, era olunaku olwo lukunyumira bya nsusso.

Ivan Muwanguzi, omukugu mu by’emisono owa Ivan The Designer mu Mukwano Arcade agamba nti emisono mingi egizze ne gigenda naye omusono gw’ebintu ebya langi ya ‘nude’ oba eyitibwa langi efaanana n’olususu buli w’okyambalira obeera ku mulamwa.

Langi eno eri wakati wa kitaka ne ppinka ow’amazzi era buli lw’ogyambala oba okukwata ensawo eri mu langi eno, toyinza butanyuma ne bw’obeera muddugavu.

Esinga kwettanirwa beeru, wadde nga n’omuddugavu bw’agyambala era emulaga nti ddala wa bbeeyi era n’ebyokwambala abitegeera.

NGYAMBALA NTYA?

Olw’okuba langi eno ebeera nzikivu, olina okwambalirako langi eyaka okusobola okugicamula obulungi. Weewale okugyambala ku nkuba naddala ng’ogyambadde mu mpale empanvu, sikaati oba engatto.

Olina okugyambala nga weegendereza kuba eddugala mangu ng’era kyonna ekigikoonako naddala ettaka likwata mangu ate nga lirabika.

Langi zino teziboola era osobola okuzambalirako langi ez’enjawulo nga bw’oyagala n’olabika bulungi.

Wabula bw’oba oyambalirako langi enjeru oba eya kyenvu, engatto, ensawo, sikaati oba ekintu kyonna ky’oyagala okwambalirako kirina okuba nga zitobekebwamu langi ezisukka mwemu, ojja kunyuma.

Teziboola ngatto era osobola okugyambalirako buli langi oba ekika ky’engatto okusinziira ku bw’oyagala okufaanana ne gy’olaga.

Ate teboola myaka nga n’abakulu abatambula n’omulembe basobola okugyambala era ne banyuma, kasita oyambalirako ebiginyumisa.

More From The Author

Emboozi z’omuwandiisi endala

Emboozi endala

Osire1 220x290

Bakutte abadde yeeyita dokita n'abba...

POLIISI eriko omusajja gw'ekutte abadde yeeyita omusawo mu ddwaaliro lya Kawempe National Refferal Hospital. Kigambibwa...

Gamba1 220x290

Eddy Kenzo akomyewo ku butaka:...

Eddy Kenzo akomyewo ku butaka: Bamwanirizza nga muzira

Mukadde1xx 220x290

Asobeddwa kibuyaga bw'asudde ennyumba...

Nanfuka agamba nti ennyumba yagudde ku Lwokusatu lwa wiiki ewedde mu nkuba eyatonnye ng’erimu ne kibuyaga

Bpmutebipix 220x290

Omulabirizi Lubowa akyalidde Mutebi...

E Bungereza yayaniriziddwa Abakristaayo ne Rev. Nathan Ntege. Mu maka ga Ntege Omulabirizi Mutebi ne mukyala we...

Tta 220x290

Poliisi erambuludde engeri gy'okufunamu...

OLUVANNYUMA lw’omugagga Ali Jabar okuyingira n’emmundu mu ddwaaliro lya Kampala Independent Hospital n’agikwasa...