TOP

Genderera bino ng’ozigula amaaso

By Musasi wa Bukedde

Added 23rd March 2019

OMUKYALA bw’agenda akula, olususu olwetoolodde amaaso oluusi luzigama, afuna enkanyana ne wansi w’amaaso okuzimba (eye bugs) n’atalabika bulungi. Era abakyala abatambula n’omulembe obuzibu buno abasinga babubikka ne dikini gwe beesiiga ayitibwa ‘concealer’ naye obuzibu buba tebuvuddeewo.

10429864beautifulyoungafricanamericanwomanapplyingmakeupusingeyeshadowbrushwithacosmeticscomp 703x422

ENGERI GY’OGAZIGULA

 Gamasaaginge

Bryan Ssemanda owa Bryan’s Naturals / Beauty Tips omukugu mu kuzigula abakyala agamba nti amaaso gayinza okuleetera okulabika obubi ssinga gabeera gamyuse olw’omwenge oba nga tofuna tulo ekikuleetera okufuna ebisawo wansi w’amaaso n’olabika bubi.

Ate olw’okuba olususu olwetoolodde amaaso lwa luwewere, bw’ofuna ebisawo bino wansi w’amaaso bireeta n’enkanyanya.

Ng’oyagala amaaso go galabike bulungi, sooka ozigule olususu olugeetoolodde.

Kozesa ebizigo oba woyiro omulungi naddala ow’ebinazi (olive oil) omasaaginge wansi ne waggulu. Ku kiriba ky’eriiso waggulu masaagingako ng’ova mu nsonda y’eriiso okulinaana ennyindo ng’ozza wabweru ku luuyi lw’amatu ne wansi okole kye kimu.

Ate tokoma ku maaso gokka, ffeesi yonna gimasaaginge ng’okozesa woyiro ono, ojja kulabawo enjawulo.

 Ate amaaso bwe gaba gaddugaaliriride, gakooye nga tokyayagala na kutunula, oyinza okukozesa cucamba, amata oba amazzi.

Funa ppamba omunnyike mu mazzi oba salaasala cucamba nga mwetooloovu. Weebake kya bugazi ozibirize n’oluvannyuma leeta ppamba oba cucamba okawummuzeeko.

Wummulamu okumala eddakiika 30. Kiyambako okuddaabulula amaaso ne gacamuka ekikuleetera okulabika obulungi.

Okwerusa amaaso. Kamula omubisi gw’enniimu ogunaabe mu maaso gumale okukubalagala kuba guyamba okwerusa amaaso n’olabika bulungi.

 Mu ngeri y’emu, oyinza n’okukozesa amata okwerusa amaaso. Teeka amata mu kasaanikira obikke ku liiso okumala eddakiika 30 gajja kutereera. Kikole buli lunaku ng’ogenda okwebaka.

 Tokwata mu maaso na ngalo kuba ogateekamu ebicaafu n’obuwuka ekiyinza okugalwaza n’olabika bubi.

Mu mbeera eno, oyinza okukozesa akatambaala oba ppamba nga biyonjo. Togalwisaako bya kwekolako kuba biyinza okugalwaza.

Kakasa nti omala kuganaaba bulungi nga tonneebaka.

More From The Author

Emboozi z’omuwandiisi endala

Emboozi endala

Mknmu21 220x290

Ababadde batwala omulambo batuuyanye...

Abatuuze ku kyalo Nassuuti mu munisipaaali y’e Mukono baasitaanye okufuna ebiwandiiko ebitambuza omulambo gwa munnaabwe...

1bc8d9398e5f4a07a3307fdfeb1d90ad 220x290

Kasujja omukulu w'ekika ky'Engeye...

OMUTAKA Hajj Mohamood Minge Kibirige Kasujja abadde akulira ekika ky’engeye obulwadde bwa sukaali ne puleesa bimugye...

Mkncov11 220x290

Ab’e Mukono batandise ekifo aw’okukuumira...

Ab’e Mukono batandise ekifo aw’okukuumira abateeberezebwa okuba ne Coronavirus

414009d1dd2349e0bd6b4678886a42d21 220x290

Kabaka awaddeyo obukadde 100 okuyamba...

KABAKA Ronald Muwenda Mutebi II addukiridde Bannayuganda n’obuyambi obw’enjawulo obubalirirwa obukadde 100 ng’ensimbi...

Lop2 220x290

Omusumba Bp. Silvester Kisitu asabye...

Omusumba Bp. Silvester Kisitu asabye Bannayuganda okubeera abaweereza abalungi