TOP

Sukaali alongoosa olususu mu basajja

By Musasi Wa

Added 28th April 2012

ABASAJJA abafaayo okulabika obulungi bafuba okukola ku nsusu zaabwe. Wadde abamu bakyakitwala nti abakazi be bateekeddwa okuyooyoota ensusu, abasajja abasinga endowooza eno bagenda bagikyusa.

Bya MUSASI WAFFE

ABASAJJA abafaayo okulabika obulungi bafuba okukola ku nsusu zaabwe. Wadde abamu bakyakitwala nti abakazi be bateekeddwa okuyooyoota ensusu, abasajja abasinga endowooza eno bagenda bagikyusa.

Omusajja naye okulabika obulungi alina okukola ku lususu n’aluggyamu embalabe, olusolo ne ‘black heads’.

Olususu lw’abasajja nalwo lulumbibwa embalabe olw’okukwatako enfuufu. Enfuufu eno bw’erwako eyingira mu butuli bw’omubiri, n’ekivaamu kufuna mbalabe.

Singa olususu lumanyiira okuba n’embalaba lufuna ebikuyiro n’enkovu okukkakkana ng’eyandibadde omweru oba ow’akatakketakke ate afuuse muddugavu ttibittibi. Eno y’ensonga lwaki n’omusajja ateekeddwa okukozesa ‘scrab’ okukola ku lususu lusobole okulabika obulungi.

Ekirungi nti waliwo ebintu  ebikozesebwa awaka ebikola obulungi ku nsonga eno;
Omuceere singa ogusekula ne musigalamu empulunguse ntonotono n’ogugatta mu mata ne weesiiga, gukola nnyo ku lususu lw’omusajja.

Byesiige mu ffeesi ne mu nsingo obirekeko okumala eddakiika 15 - 20, oluvannyuma onaabemu.

Bino bijja kuyamba okumalamu oluzigozigo mu ffeesi era bizibukule obutuli bw’omubiri gusse bulungi.

Bw’oba tokoze kino kozesa  sukaali n’amazzi g’enniimu. Funa akajiiko ka sukaali ogatte mu mazzi g’enniimu weesiige. Enniimu erimu asidi atangira obuwuka okusigala ku lususu, ate sukaali bw’omuyisa ku lususu aggyako olususu olufudde.

Ovakkedo ne kaawa nabyo bikola nnyo ku lususu lw’abasajja. Sala ovakkedo omusotte agonde, oluvannyuma ogattemu kaawa, osiige ku lususu okumala akaseera, oluvannyuma onaabemu.

Ekirungi kya kaawa, ne bw’omala okumunaaba ku lususu asigala akuwunyako.

Osobola  okukozesa ebikoola bya ‘neem’tree’. Binnyike mu mazzi, oluvannyuma oganaabe mu ffeesi. ‘Neem tree’ alimu ekirungo ekitta obuwuka.

Sukaali alongoosa olususu mu basajja

More From The Author

Emboozi z’omuwandiisi endala

Emboozi endala

Whatsappimage20191122at145535 220x290

Amataba gasazeeko enkulungo y'oku...

Enkuba efudembye mu Kampala n'emiraano mu budde bw'amalya g'ekyemisana egootaanyizza entambula ku nkulungo y'oku...

Mosesmagogo 220x290

Ebya Moses Magogo bibi!

MINISITA w’Ebyenjigiriza n’Ebyemizannyo, Janet Kataha Museveni ayingidde mu nsonga za Pulezidenti wa FUFA, Ying....

Klezia etegese okusabira Novena...

NGA Uganda yeetegekera okukuza olunaku lwa siriimu olukuzibwa mu nsi yonna nga December 1, Klezia etegese Novena...

Film1 220x290

Embooko z’abawala ezongedde ebbugumu...

Endabika y’abawala bano (okuba abalungi mu ffeesi) n’okuba ne ffiga ennungi tebikomye ku kubatunda nga bbo mu bantu,...

Nnasale 220x290

Omusomesa wa King Fahad asobezza...

POLIISI ekutte omusomesa w’essomero lya King Fahad Islamic Primary School e Nateete nga kigambibwa nti yasobezza...