TOP

Bbulawuzi okuli ennyukuta zinyumira ab’amabeere amanene

By Musasi wa Bukedde

Added 26th November 2017

OMUSONO gw’engoye eziriko ennyukuta guluddewo, wabula Evelyn Nalwanga ow’e Lungijja yagambye nti gukyamukolera. Yagambye LAWRENCE MUKASA nti bbulawuzi eziriko ennyukuta zimunyumira era gwe gumu ku misono egimukutte omubabiro.

Pata1 703x422

Evelyn Nalwanga ow’e Lungujja

“Bbulawuzi zino ziyitibwa ‘Letter shirts’. Zisinga kujjira mu ngoye mpya. Zikolebwa mu matiiriyo ya ppamba mu langi ez’enjawulo nga enzirugavu, kiragala, kipaapali, emmyuufu n’endala.

Waliwo ezitungibwa nga za mikono mimpi ssaako ne musalankwawa.” Nalwanga ng’akola gwa kusiba nviiri mu Kampala yagambye nti bbulawuzi zino azambala okusinziira ku mannya g’abantu b’ayagala ennyo okuli maama we, omwagalwawe ne baganda be.

Norther Mulushid atunda engoye z’abawala n’abakyala ku Mukwano Akeedi yagambye nti bbulawuzi zino ze zimu ku ngoye ennaku zino z’atasobola kumalako lunaku nga tafunyeeyo muwala azimubuuza.

Yagambye nti abawala abamu bagula ennyukuta ezitandika ku mannya gaabwe, ate abalala bagula ennyukuta ezitandika ku mannya ga baganzi baabwe okwongera okubalaga nti babafiirako.

Mulushid era yagambye nti ekirungi kya bbulawuzi eno, egenda mu bifo byonna kasita oyambalirako sikaati oba empale egenderako.

Yagasseeko nti okulabika obulungi, bbulawuzi eno eteekwa okuba ng’ekutuuka bulungi okusobola okuggyayo oba okulaga obulungi ennyukuta gy’oba oyambadde.

Mulushid yagambye nti bbulawuzi z’ennyukuta zinyumira nnyo abawala ab’amabeere amanene kuba gawanika bulungi ennyukuta ne bw’aba akubye ekikalu ennyukuta esigala erabika bulungi nga teyeefunyizza ng’oluusi bwe kiba ku bawala abato.

Zigula wakati wa 15,000/- ne 20,000/- okusinziira ku kifo w’oguze. Ebirala ebikuumira Nalwanga ku mutindo

ENVIIRI

Zino nzitwala nga kikulu nnyo era emisono gyonna ngisiba kasita gubeera ku mulembe. Ekiseera kino emisono gy’enviiri empanvu gye giriko era y’ensonga lwaki nasiba emiguwa emiwanvu.

Wabula wiivu zo zannema kuba zimpa akaseera akazibu okusanirira n’okuzikuuma nga zirabika bulungi okumala akaseera.

ENJALA

Sitera kwagala kusiiga langi ku njala zange era kyenva ntera okusiigako cutekisi wa ‘colorless’.

Bwe nkola ku njala zange zimmalako 10,000/- nga nsinga kuzikolerako ku Energy Center mu Kampala we wali omuvubuka azinyiriza.

OLUSUSU

Langi yange Mukama gye yampa njaagala nnyo era ndi mumativu. Ky’ova olaba nga nneewala nnyo okwesiiga ebizigo ebiyinza okunjerusa.

Nneesiiga akazigo ka ‘tip top’ nga kano nkagula 5,000/- zokka. Kalifuuwa ntera kukozesa ekika kya ‘Imperial Leather nga kano nkagula 40,000/-.

ENGATTO N’ENGOYE

Njagala nnyo ebintu ebimpa eddembe, y’ensonga lwaki engatto nsinga kwambala za fulaati naye nga zibikka ebigere.

Emisono gy’engoye gyonna ngyambala kasita nsanga olunsanyusizza ate nga lunnyumira.

Langi enzirugavu zinnyumira mpozzi ne kiragala. Sirina kifo kya nkalakkalira wengula, lwakuba ntera kugula ku basajja kuba bamanyi ebinyumira abawala.

FFIGA

Ntera okunywa okusinga okulya, era nkakasa nti eno y’emu ku nsonga lwaki nsobodde okukuuma ffi ga yange.

More From The Author

Emboozi z’omuwandiisi endala

Emboozi endala

Whatsappimage20180524at21944pm 220x290

Mbega wa ISO kata bimubugume ne...

MBEGA w’ekitongole kya ISO atwala disitulikiti okuli Mukono, Buikwe, Kayunga ne Buvuma, Maj. Moses Ssegujja yasimattuse...

St1buk250518 220x290

BUKEDDE W’OLWOKUTAANO YAFULUMYE...

Mulimu ebipya ku batta abawala omuli obujulizi obubalumiriza kyokka nga butiisa.

Save 220x290

Museveni ayogedde ku bawamba abawala...

Pulezidenti agambye nti abatemu abawamba abawala ne babatta babafunzizza era gwe basembyeyo okukwata yabadde n’emirambo...

Whatsappimage20180524at20027pm 220x290

Abadde alimbalimba omuyizi wa S.4...

Emirimu gisannyaladde okumala akaseera mu ppaaka enkadde mu kibuga Kampala abagoba ba takisi abakolera ku siteegi...

Isabeti4 220x290

Yeemulugunyizza ku mutindo gwa...

OMUTEDENSI wa KIU Henry Kyobe akukkulumidde akakiiko akaddukanya omuzannyo gwa Beach Soccer olw’enzirukanya etamatiza...