TOP

Owa Toli Mwavu awonye obuwuulu

By Dickson Kulumba

Added 24th December 2017

INNOCENT Tegusulwa owa ‘Toli Mwavu’ mutwe gwo gwe mwavu akubye embaga ey’ekiroodi Bannaddiini ne bamukubiriza okukuuma obufumbo buno nga bunywevu.

Mwaka 703x422

Abagole n’emperekeze zaabwe

INNOCENT Tegusulwa owa ‘Toli Mwavu’ mutwe gwo gwe mwavu akubye embaga ey’ekiroodi Bannaddiini ne bamukubiriza okukuuma obufumbo buno nga bunywevu.

Tegusulwa nga mukozi wa Bukedde Ttivvi etwalibwa Vision Group yagattiddwa ne mwana munne Rosette Atukunda omukozi mu kitongole kya Posta Uganda, mu Lutikko e Lubaga ng’obubagatta kwakulembeddwa Fr. Joseph Luzindana ku Lwokubiri ng’essakalamento eno yabaweereddwa nga December 19, 2017.

“ Ennyingo zino ettaano ze njagala mwekwate okutambuza obufumbo bwammwe;- mukulembeze essaala, mwekwate Baibuli, n’obutalabankana.

Mulina okusembera omubiri gwa Kristo ssaako n’okwekwata Maama Maria era ηηenda kubawa Ssappule gye naggya ewa Paapa,” Fr. Luzindana bwe yabagambye. Abagole baasembeza abagenyi baabwe ku wooteeri ya Serena.

Baatuuse mu kifo kino wakati mu kubiibya ku mazina nga bakulembeddwaamu omuyimbi, Stabua Natooro eyakubye ennyimba okuli; Yogayoga ezaaleese n’abagenyi okuyimuka ne bazina.

Mu ngeri y’okulaga ‘amasappe’ abagole batudde ku kidaala waggulu nga buli mugenyi waabwe bamulengera bulungi era mu kwogerako gye bali, akulira Vision Group, Robert Kabushenga yeebazizza Tegusulwa okutwalirawo Atukunda mu ggulu era n’abasuubiza nti bwe banaavaayo (waggulu eyo) agenda kubawa embuzi.

“ Rosette, omusajja Tegusulwa gw’otutte mukozi era twagala omuyambe okutuukiriza emirimu gye. Njagala muzaale abaana mwenda tewali muzannyo, ofune ettaka olime olusuku, emmwaanyi ate olunde ,” Kabushenga bwe yagambye.

Akulira Bukedde ttivvi Moses Kasasa nga yayogedde ku lwa Bukedde Famire, yatenderezza obumalirivu bw’abagole mu byonna bye bakwatako era n’abasabira obufumbo obujjudde emirembe.

Omukolo guno gwetabiddwaako Minisita wa Ssaayansi ne Tekinologiya mu ggwanga, Dr. Elioad Tumwesigye eyeeyamye okuwa abagole ente nga yeegasse ku nte endala ttaano ezaabaweereddwa okutandika obufumbo.

Abayimbi abalala okuli; Chris Evans ne Dr. Hilderman be bamu ku baasanyusizza abagenyi.

More From The Author

Emboozi z’omuwandiisi endala

Emboozi endala

Wanongayebakiddeolubutowebuse 220x290

Engeri gye weebaka esobola okukulwaza...

Engeri gye weebaka n'ekuwa emirembe yandiba nga y'ekendeeza ku myaka gyo

Abamukubakulembezebekasawoababaddebeetabyemulukungaanalunowebuse 220x290

Ab’e Kasawo beemulugunyizza ku...

Ab'e Kasawo bakkukkuluma lwa kubasaba ssente okwewandiisa okufuna densite ng'ate obwavu bubaaguza luggyo

Abamukubavubiababaddebeetabyemulukiikolunowebuse 220x290

Abavubi basabye gavumenti ssente...

Abavubi bakooye okudondolwa ne basaba Gavumenti ebawe ensimbi beezimbire amakolero

Ebyokulyaokulwamufiriigikiyinzaokubiviirakookwononekawebuse 220x290

Ennaku z’olina okuterekera ebyokulya...

Genderera ebyokulya by'ossa mu firiigi byandifuuka eby'obutwa ate n'ofunamu ndwadde

Ntagali3 220x290

Ssaabalabirizi Ntagali avumiridde...

Ssaabalabirizi Ntagali avumiridde abakulembeza ssente ,mu buli kimu