TOP

Enviiri ennungi bw’ozisiba buli kiseera kizoonoona

By Musasi wa Bukedde

Added 28th July 2018

DAPHINE Vivian Namayanja Ngoma ow’e Bulenga mwolesi wa misono kw’agatta okukola meekaapu. Muwala mulungi era afaayo ku ndabika y’olususu lwe, enviiri, by’ayambala ne ffi ga ye. Yayogedde ne JOANITA NANGONZI n’amutegeeza engeri gye yeekuumira ku mulembe.

Wano 703x422

ENVIIRI zange ez’obutonde kye kimu ku bindabisa obulungi. Eno y’ensonga lwaki sitera kuzisiba nga bwe kiri ku bawala abasinga.

Ebiseera ebisinga enviiri nzikuuma nga si nsibe wabula nziteekamu sitayiro ezizirabisa obulungi buli kiseera.

Nazuula nga bw’oba n’enviiri ennungi ng’ezange ate n’ozisiba buli kiseera, ekivaamu nga zitandika okukutuka, olwo ezaali zifaanana obulungi ne zitandika okukyuka okukkakkana nga zoonoonese.

Nze nviiri ndwawo okuzisiba ate bwemba nsibye neewala emisono egikoona ku lususu lwange kuba kimmalako emirembe.

OLUSUSU

Neebaza Katonda eyampa langi eyakatakketakke era ngyenyumirizaamu era njaagala nnyo. Y’ensonga lwaki neewala ebizigo enyerusa. Olususu ndanaaza ‘musawo soap’ olwo ne neesiiga ebizigo bya ‘musawo cream’, ne ‘musawo jelly’ era binkolako bulungi.

EBYOKWEWUNDA

Omuwala yenna atambula n’omulembe yeewunda. Njagala nnyo okwekuba meekaapu andabisa obulungi era guno gwe gumu ku mirimu gye nakugukamu.

Olw’okwekuba meekaapu ne nnyuma, abawala bangi abampa emirimu gy’okubayooyoota ne bansasula ensimbi.

Neesiiga meekaapu okusinziira ku ngoye ze mba nnyambadde, n’ekifo gyendaga. Waliwo engoye nga tezeetaaga muntu kwewunda nnyo era bwemba nzambadde nteekako lipusitiiki mutono ne neesiiga n’ekkalaamu ku bisige.

Eby’oku matu nabyo oluusi mbyambala okusinziira ku ngoye zemba nnyambadde. Kuno ngattako essaawa ne gaalubindi z’omusana sitera kuzigwa.

ENGATTO

Nnyambala ebika by’engatto byonna ate era zinnyumira. Nnina emigogo gy’engatto egiwera era zino nzambala okusinziira ku lugoye lwemba nnyambadde n’ekifo gyendaga. Okugeza bwemba ηηenda kwolesa misono, ntera kwambala engatto empanvu.

ENSAWO

Ntera okukwata obusawo obutonotono era nga buno mbugula okuva ku 25,000/- okudda waggulu.

ENJALA

Sitera kusiiga njala zange cutekisi kuba azigubya. Ntera okuzisala ne nzireka nga si nsiige wabula nzikuuma nga teziriimu kko.

FFIGA

Okwewala okugejja, neesonyiwa emmere erimu butto n’amasavu. Ndya ebibala n’enva endiirwa. Kuno ngattako okubuuka omuguwa emirundi ebiri mu wiiki.

ENGOYE

Nnyambala emisono gy’abawala egiriko wabula nnyambala egyo eginnyumira. Nnyambala ebiteeteeyi, sikaati, empale, ‘jump suit’ n’emisono emirala. Engoye nzigula buli we nsanze, kasita luba nga lulungi ate nga lunnyumira.

Ekimu ku bimpa amaanyi mu byenkola kwe kuba nti nfuba okutuuka ku buwanguzi. Era nkubiriza bawala bannange beewale ebintu ebyerusa kubanga birimu endwadde ze bajja okufuna nga bakuze.

More From The Author

Emboozi z’omuwandiisi endala

Emboozi endala

Namaalwa1 220x290

Omukungu agobye ffamire ye mu muka...

OMUKUNGU wa gavumenti agobye ffamire ye mu maka. Kigambibwa nti agawasirizzaamu omukyala omulala.

Magogo1 220x290

Magogo bw'aba yalya enguzi tadda...

MUNNAMATEEKA Fred Muwema agambye nti emyezi ebiri FIFA gye yasibye Moses Magogo ng'akkirizza omusango gw'okutunda...

Haruna11 220x290

Embaga za ba Celeb; Tukuleetedde...

Ddala kituufu omuyimbi Haruna Mubiru awasa balinawo?

Rolex0 220x290

Ab'e Jinja beesunga kivvulu kya...

Omanyi ekivvulu kino kye kimu ku bisinga okukwatayo mu ggwanga wabula 'Abeyidinda' baludde nga beemulugunya lwaki...

2 220x290

Aba KCCA babakuutidde okuba abalambulukufu...

Abakozi b’ekitongole ekivunaanyizibwa ku kuteekerateekera ekibuga Kampala ekya KCCA bakubiriziddwa okubeera abalambulukufu...