TOP
  • Home
  • Emboozi
  • Obukodyo 8 obunaakuyamba okubbulula bizinensi ekulemeredde

Obukodyo 8 obunaakuyamba okubbulula bizinensi ekulemeredde

By Musasi Wa

Added 21st March 2012

ABASUUBUZI bangi mu bizinensi ez’enjawulo balemererwa ne baggwaamu ng’obuzibu buva ku nsimbi ate abamu ne balemwa okuddamu okusituka.

Bya FRED KAYONGO


ABASUUBUZI bangi mu bizinensi ez’enjawulo balemererwa ne baggwaamu ng’obuzibu buva ku nsimbi ate abamu ne balemwa
okuddamu okusituka.

John Baptist Ssenfuma, omusuubuzi mu katale ka Park yard omu ku basuubuzi abafiiriziddwa enfunda eziwera mu muliro oguzze gwokya akatale ka Park Yard - Omuliro.

Agamba nti, yeeyambisizza obukodyo obw’enjawulo n’asobola okusigala mu bizinensi ate n’okusigaza bakasitoma nga bwanoonya n’abalala. Era alaga ebimu ku by’akola okusobola okuzzaawo bizinensi ye:

1. Okubeera n’amazima kikulumu bizinensi kuba ne bwegwa ng’oyagala okugizzaawo bakasitoma bo be bamu ku bakuyamba
okuyimuka. Ekirala n’abakusuubuza ebyamaguzi olw’okukumanya ng’ow’amazima nabo basigala bakuwa emmaali n’osobola okutunda nga bw’obasasula mpolampola.

2. Kozesa amazima mu buli ky’okola naddala ku bakasitoma bo. Ekimu ku bisuula bizinensi kwe kulimbalimba abaguzi abandikufunidde abalala bwe bakimanya nti oli waamazima. Bw’oba otunda ngatto kirungi okumubuulira enjawulo ezirimu n'ebbeeyi olwo lw’ajja okukwesiga akuleetere ne banne ekikuyamba okukukuumira ku bakasitoma. Ne bw’oba oli mu buzibu be bakuwagira n’osobola okwennyulula.

3. Bw’olaba kasitoma ayagala okukugulako alamuza kino na kiri omanya nti ky’ayagala okugula takimanyi era kiba kirungi okumuyambako n'omanya ky’ayagala n’omuguza ekyo. Omuntu ow’engeri eno ne bw’adda nga toli mu mbeera nnungi era akugulako n’akuleetera n’abalala okukuwagira wadde oli wabi.

4. Okukuuma ebiwandiiko mu bizinensi kirungi naddala ng’ofunye obuzibu kuba bw’ogenda mu basobola okukuyamba by’olagayo ne basinziira okwo okukudduukirira.

5. Tosirikira kizibu, kuba mu b’obuulirako mwe muva akuwa amagezi agannyulula bizinensi yo ng’egudde oba ng’eyuuga.

6. Tokyusakyusa bizinensi kuba bwe weesiba ku eyo gy’obaddemu omanya eky’okwewala n’okukola kuba oba obiyiseemu.

7. Osobola okukyusa erinnya kuba oluusi ky’otuuma bizinensi kisobola okugisuula. Giwe erinnya eriraga nti oli muwanguzi.

8. Weewale okuddukira mu kwewola buli kiseera kuba ensimbi zino zibaako amagoba mangi ate bizinensi bw’eba egwa tosobola kugifunamu magoba gasasula ate n’osigaza ne kapito agiyamba okukula

Obukodyo 8 obunaakuyamba okubbulula bizinensi ekulemeredde

More From The Author

Emboozi z’omuwandiisi endala

Emboozi endala

Kazimba8webuse 220x290

Ssaabalabirizi omulonde Dr. Stephen...

Ssaabalabirizi omulonde, Dr. Stephen Kazimba asuubizza okusigala ng'assa ekitiibwa mu Bwakabaka bwa Buganda

Embuutu1 220x290

Ekivvulu ky’Embuutu y’Embuutikizi...

Buli ayingira mu Mbuutu y’Embuutikizi ajja kuvaayo n’ebirabo.

Kapyata1 220x290

Baminisita b’e Mmengo babayiyeemu...

BAMINISITA ba Kabaka baayiriddwaamu emmotoka ensajja okubanguyiza emirimu gy'Obwakabaka. Kyategeezeddwa nti emmotoka...

Hoima 220x290

Amasasi ne ttiyaggaasi binyoose...

POLIISI yakubye amasasi ne ttiyaggaasi okugumbulula abawagizi ba Asinansi Nyakato avuganya mu kalulu ku kifo ky’omubaka...

Lukwago1 220x290

KCCA egobye abakulira akatale k’e...

OLUKIIKO olufuga ekibuga Kampala lwongedde okuluma. Lugobye ssentebe w’akatale k’e Wandegeya Jonathan Gitta ne...