TOP
  • Home
  • Emboozi
  • Ayagala okukola bizinensi sooka weegezeemu

Ayagala okukola bizinensi sooka weegezeemu

By Musasi Wa

Added 21st November 2012

FENNA twagala okutandika n’amaanyi era buli muntu kye yandyagadde,naye nga bwe nzize nkubuulira, kya bulabe naddala ng’oyingira mu bizinensi gy’otolinaamu bumanyirivu.

2012 11largeimg221 nov 2012 130639010 703x422

Bya Micheal Mukasa Ssebbowa

FENNA twagala okutandika n’amaanyi era buli muntu kye yandyagadde,naye nga bwe nzize nkubuulira, kya bulabe naddala ng’oyingira mu bizinensi gy’otolinaamu bumanyirivu.

Ate mu ngeri y’emu wiiki ewedde nakugambye nti kyangu nnyo okulowooza nti olina obumanyirivu kubanga obadde okola mu kkampuni ennene ebadde ekola ebintu bye bimu, ekintu ekiyinza okukusuula mu ntata kubanga mu butuufu emirundi mingi oba olina ebintu bingi by’otomanyi.

Olw’ensonga y’obutaba na bumanyirivu kyenva nkugamba nti tandika n’akatono, oyongere okutegeera bizinensi gy’ogiyingiddemu nga weeyambisa ssente ntono ezitajja kukuluma nnyo singa biba tebitambudde bulungi, era tekijja kukukaluubirira kugenda kugezaako kirala kubanga ensimbi okozesa ntono.

Naye mu byonna, ky’olina okusinziirako okugamba nti ntadise na kitono kisinziira ku nfunayo. Anti ekiyinula ennyana kiba mu kibeere.

Olwaleero njagala okukugamba nti nga tonnatandika kyandibadde kirungi okusooka okugezesa nga tonnaba kugendera ddala mu bizinensi kugiggweeramu.

Gezesa bizinensi nga tonnatandika
Waliwo nnaggagga wa Bungereza ayitibwa Richard Branson, bwe yali atandika kkampuni y’ennyonyi wadde yali mugagga nnyo yatya okugiyingiramu obutereevu, kye yakola kwe kupangisa ennyonnyi n’ategeka olugendo n’akola ebirango ebiyita abaagala okulinnya ennyonnyi egenda obutereevu era abantu n’abafuna, okuva olwo n’assaawo kkampuni y’ennyonyi.

Agamba nti singa yanoonya abasaabaze omulundi ogwasooka ne bagaana okuwera bizinensi yali agikomya awo.

Naawe kino okisobola. Okugeza bw’oba oyagala kukola kirabo ky’emmere eky’omulembe, sooka weegezeemu ng’osaba okufumbira abantu bo abalina omukolo omutonotono, bwe basiima by’okoze ate be bajja okukuzigirira abalala abalina emikolo era wano w’ojja okuva okukola ekirabo eky’omulembe.

Jjukira nti kino mu kusooka ogenda kukikolera waka awatali kusasula za bupangisa ate ne by’okozesa ku mikolo ebisinga osobola okubisaba abategesi ggwe n’oleeta bibugumya na ssowaani.

Ekirala enkola eno ejja kukusobozesa okugira ng’osigala ku mulimu gw’obadde okola bw’oba ng’obadde ogulina. Kyabulabe nnyo okumala gava ku mulimu kubanga oyagala okutandika ogugwo, sooka ogezese olabe ebintu nga bwe bitambula olyoke osalewo okugenda nga by’ogendamu obitegeera, leka kutwala kasunguyira kubanga baakunyiizizza ku mulimu enkeera n’okwata obusente bwonna bw’olina mu bulamu n’otandika bizinensi. Ojja kwejjusa.

Bw’oba oli musomesa ng’oyagala kutandika ssomero, teweetaaga kutandika na ssomero. Tandika na kusomesaayo abaana nga baabo ku wiikendi ne mu luwummula.

Kino oyinza okukitandikira awaka, oba okufuna ekifo ekitonotono ekikuli okumpi. Mu bitundu ebimu wakyaliyo ‘Community centre’ oba ebitawuluzi, kyeyambise.

Bw’okizuula nti abazadde bakwagadde nga n’abayizi b’osomesa babikwata era nga bajjumbira mu bungi, genda mu maaso n’ekirowoozo ky’okutandika essomero.

Ggwe Yinginiya akolera mu kkampuni ennene, si kyangu okutandikawo kkampuni eyiyo okuggyako ng’oli musajja mukujjukujju, kubanga weetaaga ssente nnyingi, anti ebyuma babiseera.

Kyokka omukujjukujju asobola okutandika kkampuni nga talina byuma, era nga bw’afuna omulimu ng’atandika okubikung’aanya ng’abijja mu babirina.

Kyokka ggwe bw’oba ng’ekyo tokisobola, sooka oguleyo ekimu ku byuma by’omanyi ebyetaagibwa ennyo mu mulimu ogwo kyokka ng’olina obusobozi obukigula.

Tandika okukipangisa bw’ofuna ssente endala ogule ekirala okutuusa lwe weesanga ng’owezezza ebyuma ebikusobozesa okwetengerera olyoke osiibule.

Tobaamu kutya mu ky’okola kubanga otandise na kitono era bwe bigaana ogenda kufiirwa kitono. Kyokka era njagala okukusaba obeere musanyufu kubanga ky’okola kiremye bangi sso ng’ate ekkubo ly’okutte ly’ery’abawanguzi.

Tokkiriza kuwuliriza bakulengezza, kwata mpola ojja kutuuka ku buwanguzi.

ENGERO Z’ABAGAGGA:
Ezinaabala teziranda ggobe.

 

Ayagala okukola bizinensi sooka weegezeemu

More From The Author

Emboozi z’omuwandiisi endala

Emboozi endala

Whatsappimage20191122at145535 220x290

Amataba gasazeeko enkulungo y'oku...

Enkuba efudembye mu Kampala n'emiraano mu budde bw'amalya g'ekyemisana egootaanyizza entambula ku nkulungo y'oku...

Mosesmagogo 220x290

Ebya Moses Magogo bibi!

MINISITA w’Ebyenjigiriza n’Ebyemizannyo, Janet Kataha Museveni ayingidde mu nsonga za Pulezidenti wa FUFA, Ying....

Klezia etegese okusabira Novena...

NGA Uganda yeetegekera okukuza olunaku lwa siriimu olukuzibwa mu nsi yonna nga December 1, Klezia etegese Novena...

Film1 220x290

Embooko z’abawala ezongedde ebbugumu...

Endabika y’abawala bano (okuba abalungi mu ffeesi) n’okuba ne ffiga ennungi tebikomye ku kubatunda nga bbo mu bantu,...

Nnasale 220x290

Omusomesa wa King Fahad asobezza...

POLIISI ekutte omusomesa w’essomero lya King Fahad Islamic Primary School e Nateete nga kigambibwa nti yasobezza...