TOP
  • Home
  • Emboozi
  • ‘Okwekozesa kunnyambye okufuna obudde obusoma’

‘Okwekozesa kunnyambye okufuna obudde obusoma’

By Musasi Wa

Added 21st November 2012

“OKUKOLA ayisi abaana gwe basinga okwettanira muyite ‘cool cool bar’ kituyambye okweyimirizaawo,


Bya LAWRENCE KITATTA

“OKUKOLA ayisi abaana gwe basinga okwettanira muyite ‘cool cool bar’ kituyambye okweyimirizaawo, mwannyinaze Constance Nalubega mw’afuna ssente ezirabirira abaana be ate nange nfunamu ezimbeezaawo ku yunivasite”, bwatyo

Kelvin Bukenya ow’e Bweyogerere bw’annyonnyola ku by’afunye mu kukola ayisi era ayongera okunnyonnyola bw’amukolamu.

Amagezi nagafuna ku mupangisa eyasulanga ku nnyumba za taata eyamukolanga n’aguza abaana n’okumutwala ku masomero.

Bwe yasenguka mu 2008 abaguzi baasigala bamunoonya kye nnava nsalawo okutandika okumukola.

Tugaziya akatale
Twasooka kutundira waka wabula olw’okwagala okugaziya akatale ne tutandika okumutwala ku masomero.

Mwannyina Nalubega  ng’atabula ayisi.

Enkola ya ayisi ono
1) Fumba amazzi gaggye bulungi oluvannyuma ogawoze.
2) Mu liita z’amazzi 20 oteekamu kkiro za ssukaali ssatu n’ekitundu.
3) Teekamu eggiiko emu n’ekitundu eya ‘food colour’ ekyusa langi y’amazzi.
4) Gattamu gulaamu za ssukaali ow’enjawulo nnya nga ono y’aleeta okuwoomerera.
5) Linda biteeke olwo opakire mu buveera. Akaveera akanene aka sentimiita 15 kagula 5000/-.

Ensibambi edibya mutere
Buli kaveera ka 100/- era mbutunda mu masomero ag’enjawulo e Bweyogerere ne Luzira.
Nkung’aanya ssente eziri wakati wa 500,000/- ne 600,000/- nga nzigyeko sente ze nkozesezza mu kutambuza n’ebyokukozesa ebirala buli mwezi.

Bye tufunye
1) Twatandika ne firiigi entono emu wabula kati tulina ‘deep freezer’ bbiri ze twagula 1400,000/- buli emu.
2) Ebyetaago bya yunivasite ne fiizi z’abaana ba Nabukenya tubifuna mu ayisi.
3) Ssukaali twamugulanga mu kkiro wabula kati tugula kasawo aka kkiro 50.

Okusomoozebwa
Bbeeyi y’ebikozesebwa erinnye nnyo ate n’entambula si nnyangu.
Mu biseera byenkuba bizinensi etambula kitono olw’obunnyogovu.

Ebitukuumidde mu mulimu
Obumalirivu n’okukola nga twagala.
Okumanya abantu kye baagala n’okubakolera ebintu ebiri ku mutindo.
Obuyonjo lye ddagala lye tusoosa ku mwanjo.


 Ayisi awedde okusibwa.

‘Okwekozesa kunnyambye okufuna obudde obusoma’

More From The Author

Emboozi z’omuwandiisi endala

Emboozi endala

Top2 220x290

Omusumba Tumusiime tayagala maka...

Omusumba Tumusiime tayagala maka galimu bizibu

Deb2 220x290

Obubonero obulaga ng’amafuta oba...

Obubonero obulaga ng’amafuta oba woyiro by’otadde mu mmotoka bikyamu

Kp2 220x290

Mubiri omunene akugobako endwadde...

Mubiri omunene akugobako endwadde

Kim2 220x290

abasawo bongedde okutangaaza ku...

abasawo bongedde okutangaaza ku kuzaala omwana asoosa ebigere

Kip3 220x290

ENSIRI : BW’OTOZITTA ZO ZE ZIKUTTA...

ENSIRI : BW’OTOZITTA ZO ZE ZIKUTTA