TOP

Bizinensi okukula efugibwa amateeka 6

By Musasi Wa

Added 27th March 2013

Ekifo kyonna w’ogenda okuteeka bizinensi kikulu era kimu ku bintu by’olina okutunuulira nga tonnalowooza kugitandika.

2013 3largeimg227 mar 2013 122711950 703x422

Kifo ki ekituufu ekisaana okussaamu bizinensi?

Ekifo kyonna w’ogenda okuteeka bizinensi kikulu era kimu ku bintu by’olina okutunuulira nga tonnalowooza kugitandika. 

W’oteeka bizinensi wafugibwa amateeka agagisobozesa okukulaakulana nga kisinziira ku baguzi abaliwo.

By’oba weetegereza ku kifo

1 Olina okuba nga oyanguyirwa okufuna ebyamaguzi by’onooguza bakasitoma. 

2 Ekifo kirina okubeera okumpi n’akatale (bakasitoma b’oyagala okuguza).

3 Walina okubeera abayonjo kuba bakasitoma tebaagala bujama. 

4 Laba nti ennyingiza ya bizinensi yo esobola okusasulira ekifo w’ogikolera ate oleme kwewola okugibeezaawo.

5 Olina okutunuulira okuvuganya okuliwo mu bizinensi gy’ogenda okutandika. Laba bameka abakola bizinensi ng’eno n’engeri gy’eddukanyizibwamu okusobola okugifunamu nga bw’ovuganya.

6 Manya ebyetaagisa bizinensi yo obutataataaganyizibwa b’amateeka omuli aba layisinsi, n’ebirala. 

Ataasoma ayinza okutambuza bizinensi n’ekula n’okuwangaala, ye makubo ki ge nnyinza okuyitamu? OMUNTU yenna asobola okukola ensimbi era n’agaggawala wadde teyagenda ku ssomero.

By’oba okola okugaggawala

1 Okukola n’amaanyi.

2 Okumanya ebitone eby’enjawulo n’obusobozi bw’olina n’okuteeka essira ku ekyo ky’owulira nti ky’oyagala era okisobola. 

3 Okukola n’abantu abatuufu omuli b’okozesa ne b’okolagana nabo mu bizinensi.

4 Okuba n’obumalirivu okutambuza bizinensi ng’oginoonyeza akatale wano n’ebweru w’eggwanga. 

5 Okubeera omugumiikiriza ng’okola bizinensi.

6 Okukolagana obulungi n’abobuyinza mu kitundu wamu ne gavumenti ng’owa emisolo.

7 Okukolagana obulungi n’abo bwe muli mu bizinensi wadde za njawulo.

8 Enkwata ya bakasitoma bo erina okubeera ennungi.

9 Noonya okumanya era okkirize okuwabulwa okuva mu bantu.

10 Weewale amabanja agatazimba bizinensi yo kuba kino kizing’amya bizinensi. 

11 Bizinensi giteeke mu kifo ekituufu buli omu w’ayinza okwanguyirwa obuweereza bwo.

Biddiddwaamu omukugu mu byenfuna, Patrick Mugalu owa Summit Consults mu Kampala.


 

Bizinensi okukula efugibwa amateeka 6

More From The Author

Emboozi z’omuwandiisi endala

Emboozi endala

Tip11 220x290

Laba engeri gy'osobola okufuna...

Laba engeri gy'osobola okufuna emitwalo 16 buli lunaku mu buti obukuma essigiri

Dad1 220x290

Fresh Kid,Esther ne Ezekiel bacamudde...

Fresh Kid,Esther ne Ezekiel bacamudde abato mu Toto Xmas Festival e Nmboole

Lip1 220x290

Abaawule balabuddwa ku bwenzi n'enguzi...

Abaawule balabuddwa ku bwenzi n'enguzi

Tap11 220x290

Okubeera bamuzibe tekitugaana kwekolerera...

Okubeera bamuzibe tekitugaana kwekolerera

Gab1 220x290

Ssaabasumba Lwanga akyalidde Gabunga...

Ssaabasumba Lwanga akyalidde Gabunga