TOP
  • Home
  • Emboozi
  • Omusomo gwa Yiiya ssente gwa bwereere leero

Omusomo gwa Yiiya ssente gwa bwereere leero

By Musasi Wa

Added 13th September 2014

OLWALEERO gwe musomo gwa Yiiya Ssente ogwokubiri ogutegekeddwa Bukedde ku Freedom City e Namasuba.Emiryango giggulwawo ku ssaawa 1:00 ey’oku makya, okuyingira kwa bwereere olwo abakugu batandike okusomesa ku ngeri gy’oyinza okukozesaamu ssente entono okufuna amagoba agasinga ng’okola bizinensi n’e

2014 9largeimg213 sep 2014 071454807 703x422

 Bya LAWRENCEKITATTA 

OLWALEERO gwe musomo gwa Yiiya Ssente ogwokubiri ogutegekeddwa Bukedde ku Freedom City e Namasuba.

Emiryango giggulwawo  ku ssaawa 1:00 ey’oku makya, okuyingira kwa bwereere olwo abakugu batandike okusomesa ku ngeri gy’oyinza okukozesaamu ssente entono okufuna amagoba agasinga ng’okola bizinensi n’emirimu emirala. Ekirungi nti abataasobole kujja mu musomo, byonna ebinaabaayo byakulagibwa butereevu ku Bukedde Ttivvi n’okuweerezebwa ku Bukedde Fa Mma Embuutikizi olwo ebifaananyi n’ebyogeddwa bifulumire mu lupapula lwa Bukedde okuva enkya ku Ssande.

Yusufu Sebayigga ow’e Namugongo agamba: Nze bulijjo emisomo egizze gitegekebwa  mbadde ngirabira waka ku ttivvi nga bwe nkola emirimu gyange naye ku luno sisobola kusigala nga sigwetabyemu kuba ku luno baleese omusajja  Karim Hirji gwe mbadde nkyasinze okwegomba.

Omusomo ogwasooka  Muky. Jennifer Musisi  yatulaga engeri gye tusobola okwekulaakulanyaamu nga tuli awaka waffe kuba yalaga engeri gye tusobola okulimira mu luggya nga tukozesa emikebe, yatulaga ennyaanya, entula n’ebirala era emisomo gino gikoze kinene okutukulaakulanya.

Brenda Nannyonga ow’e Mutundwe akolera mu Kampala ng’atunda ngoye agamba: Nneesunga okufuna amagezi ku ngeri gye nsobola  okuyimusa bizinensi yange ne nva ku kutunda engoye entono etuuke ku mutindo ogusuubuza abalala oba oli awo nsobole n’okufuuka nnaggagga kuba nkyali muto era emisomo gino gituyigiriza.

 

Hajj Sulaiman Kalema owa New Best Furniture e Najjanankumbi: Abantu bonna basaanye okukimanya nti okuyiga tekukoma era embeera y’okuyiiya ssente enkyuka buli kadde n’olwekyo omuntu olina okubeera nga weetegekera embeera yonna egwawo. N’olwekyo kisaanye ffenna okweyiwa ku Freedom City mu musomo gwa Yiiya Ssente okukyusa ku mbeera zaffe. Benedict Mukasa ow’e Nakawa: Emisomo gino nzize ngibeeramu okuviira ddala ku gwasooka naye tusaba emisomo gireetebweko mu bifo naffe gye tukolera  kuba abantu bangi abagisubwa.

Omusomo gwa Yiiya ssente gwa bwereere leero

More From The Author

Emboozi z’omuwandiisi endala

Emboozi endala

Pass 220x290

EBIKULU MU BUKEDDE W'OLWOKUBIRI...

Bawambye omwana omulala ne basaba obukadde mukaaga; bamusse omulambo ne bagusiba mu kadeeya.

Owakccangayogeramulukiiko 220x290

Ab'e Bwaise batabukidde aba KCCA...

“Twagala Pulezidenti Museveni y’aba atulagira okusasula kuba n’amazzi gakyatuyingirira mwe mulabika temuvudde na...

Kizito 220x290

Basajjabalaba alaalise okulwanyisa...

NNAGGAGGA Hassan Basajjabalaba asinzidde mu kuziika Charles Muhangi n’alabula abaggagga abaagala okutwala ebintu...

Rite6 220x290

Poliisi ekubaganye n'aba takisi...

Mu kanyoolagana akaabaddewo omuserikale eyategeerekeseeko erya Kasirye yakubiddwa ejjinja era ono yatwaliddwa...

Lekwa 220x290

Muhangi afudde akkirizza okuliyirira...

Ssentebe w’e Nsangi, Abdul Kiyimba yasabye Ruhakana Rugunda okugonjoola eby’ebizimbe ebikaayanirwa kubanga bwe...