TOP

Mweyambise ebyuma ebisunsula emmwaanyi embisi obutafiirwa

By Musasi wa Bukedde

Added 6th January 2016

Abakugu mu by'emmwanyi bagamba nti omutindo gw'emmwaanyi ezisunsulwa nga mbisi ne zikazibwa gubeera waggulu kw’ezo eziggyibwako akakuta nga zikaziddwa.

Kari 703x422

Omukyala ng’ayanika emmwaanyi ku ttundubaali.

WADDE ng'omulimi w'emmwaanyi aweebwa amagezi okutunda ezo ezimaze okwongerwako omutindo nga zimaze okukazibwa n'okuggyibwako akakuta okusobola okufissa ekiwera, oyo atasobola kutuukiriza kino yandibadde azeggyako nga mbisi.

Kino kiddiridde ebyuma ebisunsula emmwaanyi embisi okweyongera obungi mu bitundu by'eggwanga ebitali bimu.

Abakugu mu by'emmwanyi bagamba nti omutindo gw'emmwaanyi ezisunsulwa nga mbisi ne zikazibwa gubeera waggulu kw’ezo eziggyibwako akakuta nga zikaziddwa.

Enkuba ebadde etonnya obutasalako evuddeko omutindo gw'emmwaanyi okukka mu balimi ababadde tebatana busobozi bwa kuzaanika n'okuzaanula mu budde ne zivunda.

Joseph Nkandu, ssentebe w'ekibiina ekigatta abalimi b'emmwaanyi mu ggwanga, ekya National Union of Coffee Agri - Business Enterpriseses (NUCAFE) agamba nti emmwaanyi okuzisunsula nga mbisi tekyeyibaaza mulimi kuba ekisinga obukulu mu byonna kwe kukuuma omutindo.

‘Emmwaanyi ezisunsulwa nga mbisi oba nga nkalu omutindo gwazo gusinziira ku nkwata yaazo. Obutale bw'emmwaanyi bwa kuvuganya nga waliwo obwo obwetaaga ezaanikiddwa nga ziggyiddwaako akakuta," Nkandu bwe yagambye.

Ayongerako nti, tekinologiya mu byuma ebisunsula emmwaanyi embisi agenze yeeyongera mu ggwanga nga kati waliwo n'ebyo ebikozesebwa n'emikono nga biva ku 80,000/- ate eby'amasannyalaze bbeeyi esingako okusinziira ku bunene byabyo.

Bbeeyi y'emmwaanyi embisi okufaananako n'enkalu egenda ekyukakyuka okusinziira ku katale bwe kayimiridde.

Sizoni y'emmwaanyi mu Buganda ne Busoga yeeyongedde naye bbeeyi yayongedde okusereba nga yavudde ku 5,200/- buli kkiro ya kase okutuuka ku 4,500/- oba 5,000/- okusinziira ku mutindo gwazo.

More From The Author

Emboozi z’omuwandiisi endala

Emboozi endala

Soma 220x290

‘Abaami mmwe mutabangula amaka’...

ABAKULEMBEZE n’abatuuze mu tawuni kanso y’e Luuka boolese obwennyamivu olw’omuwendo gw’amaka agasasika okweyongera...

Leo 220x290

Omusibe atolose ku baserikale abatuuze...

ABATUUZE ku kyalo Kimuli mu ggombolola y’e Maanyi mu disitulikiti y’e Mityana bavudde mu mbeera ne basuulira poliisi...

Sevo1 220x290

Aba NRM mu Buganda batongozza Museveni...

ABAKULEMBEZE ba disitulikiti za Buganda eziwera 10 bakwasizza Pulezidenti Museveni ekkanzu eya kyenvu, ekyanzi,...

Tta 220x290

Eyatta owa bodaboda akkirizza okutuga...

Poliisi: Okimanyi nti obadde onoonyezebwa? Omusibe: Nkimanyi, kubanga akatambi akaatuleetera obuzibu nange nakalabako...

Pastorbugingo2703422350250 220x290

Bugingo asekeredde abaamututte...

Bugingo yasinzidde mu kusaba kw’omu ttuntu n’ategeeza nti tewali agenda kumugaana kwogera. Era ye talina muntu...