TOP

Ssente nziyiiya mu bibaawo mwe nkola eby’okuzannyisa

By Musasi wa Bukedde

Added 9th August 2017

EBBULA ly’emirimu bwe lyeyongedde mu ggwanga n’abantu ne bongera okuyiiya nga bakozesa ebintu ebibeetoolodde bangi bye balaba nga kasasiro.

Bimotoka1 703x422

Ekimu ku bimotoka Kiyingi (mu katono ku ddyo) by’akola.

Bya STEVEN KIRAGGA

EBBULA ly’emirimu bwe lyeyongedde mu ggwanga n’abantu ne bongera okuyiiya nga bakozesa ebintu ebibeetoolodde bangi bye balaba nga kasasiro.

Victor Kiyingi ayitibwa ‘Mr. Toys’ ow’e Kawempe - Lugoba yasalawo kubajja bimotoka by’abaana eby’okuzannyisa okuva mu bibaawo by’agula mu Owino ku ssente entono.

Agamba, yasooka kugobwa ku mulimu gye yali alabirira abaana mu 2013 n’asigala nga n’eky’okulya takirina.

“Nanoonya emirimu ne gimbula, lumu nagenda mu katale ne nsanga omuzadde eyali agenze okugulira omwana ekimotoka kyokka omukyala eyali akitunda n’amucunga olw’okulemwa okumuwa ssente ze yali amuguza.

kimu ku bimotoka iyingi mu katono ku ddyo byakolaEkimu ku bimotoka Kiyingi (mu katono ku ddyo) by’akola.

 

Bwe natuuka eka nafuna ekirowoozo ky’okutandika okukola eby’okuzannyisa by’abaana nga nkozesa ebibaawo kuba ebintu byonna ebyatundibwanga mu butale byali nga bya pulasitiika.

Natandika okukuba obufaananyi bw’obumotoka ku bupapula oluvannyuma ne nfuna ebibaawo okugezessa okulaba byali bisoboka.

Bwe nagendako mu Owino, nasanga ebibaawo ebifisse ku babazzi ba bookisi ezipakirwamu ennyaanya ne ngulayo ku ssente ezaali wakati wa 200/- ne 2,000/-.

Ngulayo gaamu akwata ku miti mwe nakola akamotoka akaakaayanirwa era guno nagufuula omulimu kuba nalaba obwetaavu nga weebuli.

EBIKOZESEBWA

Embaawo, ekyuma ekiwawula olubaawo, emisumaali, gaamu, langi n’akaguwa ka goozi. Akatale weekali mu ggwanga n’ebweru waako naddala ku balambuzi.

Abaamasomero babugula n’abantu ssekinnoomu.

 r oys iyingi ngalaga akamu ku bumotoka bwakola Mr. Toys Kiyingi ng'alaga akamu ku bumotoka bwakola

 

Byenfunye

  1. Okwetandikirawo omulimu ne nsobolaokuweerera abaana n’okulabirira ab’omu maka gange.
  2. Ntandikiddewo n’abantu abalala emirimu kuba nkozesa abantu abasoba mu bataano be nsasula wakati wa 5,000/- ne 8,000/- olunaku okusinziira ku mulimu ogukoleddwa.
  3. Abamu batandikawo amatabi mu bitundu byabwe n’okuwa abalala emirimu. Ekibaawo kye nguze 2,000/- nsobo okukikolamu obumotoka munaana bwe ntunda ku 3,000/- ne nfunamu 24,000/-.

OKUSOMOOZEBWA

  • Bbanka tezaagala kutuwola okwongera mu kapito waffe nga banyooma omulimu gwaffe.
  •  Obutasobola kumatiza katale akaliwo.
  • Ebyuma ebikozesebwa biseerebwa ate n’amasannyalaze gagenda mangi ate nga ga buseere.
  •  bimu ku bimotoka r oys byakola Ebimu ku bimotoka Mr. Toys byakola

     

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...