TOP

Akatale k’e Bweyogerere koolekedde okuggalwa lwa bujama

By Musasi wa Bukedde

Added 28th March 2018

Abasuubuzi mu katale k’e Bweyogerere balabuddwa ku bujama ne babasuubizza okubaggala ssinga tebakyusa.

Webabasuubuzingabalimulukiiko2 703x422

Abasuubuzi nga bali mu lukung'aana olwakubiddwa obukubirire

 

Bya Tonny Kayemba

John Buyego, akulira ebyobulamu e Bweyogerere alabudde abasuubuzi abakolera mu katale k’abalimi e Bweyogerere nga bw’ajja okubaggala olw’obujama obususse ekiyinza okuvaako obulwadde bwa kkolera mu kitundu.

Buyego  ategeezezza nga bwe bagezezzaako okusomesa abasuubuzi ku kikwatagana n'obuyonjo naye abasinga bakyagaanyi okukikwata. Alabudde ab’ebirabo by’emmere okukomya omuze gw’okusaaniika emmere mu buveera n’okusiiga ebirabo byabwe langi nga abataakikole  baakuggalwawo.

Yabavumiridde n’okufumbira emmere mu buveera kye yabalabulako edda naye ne bagaana ekijja okulwaza ababagulako emmere.

 Hussein Kato, Ssentebe w’akatale kano avudde mu mbeera n’alabula okugoba abasuubuzi abagenda bamansa kazambi okwetooloola akatale ne balekerera okugenda mu kaabuyonjo olw’obutayagala kusasula 200/- ezisabibwa.

 Ategeezezza ng’abasuubuzi bwe basusse obujama kwe kusalawo okukuba olukiiko olw’amangu nga tewannabalukawo ndwadde ziva ku bujama naddala mu biseera bino ebyenkuba. Agasseeko n’abakyala abamansa paadi ze bakozesezza buli wamu n’okuzisuula mu kaabuyonjjo ez’amazzi ne zizibikira.

Akomye ne ku basala enkoko ku ky’okukozesa obudomola obukozesebwa mu kaabuyonjo.

 John Kakande, omusuubuzi mu katale kano ategeezezza nga basuubuzi banne bwe boonoonye ekitiibwa ky'akatale kaabwe nga batuuka n’okuganzika abakazi mu bifulukwa ate gye beeyambira n’asaba ssentebe nti omuntu yenna anaakwatibwa mu bikolwa ebityoboola ekitiibwa ky’akatale agobwe.

 Majid Akweteiro Karim, atwala poliisi y'e Bweyogerere asabye abasuubuzi okuyonja we bakolera bakomye n'omuze ogw’okuyiwa amazzi ne kasasiro mu kkubo kuba byongera obujama mu katale . Abakuutidde okwewala obubbi bw'enkoko naddala mu nnaku enkulu ezisembedde.

 Asembezzaayo eky’okukubiriza abasuubuzi okukolagana ne poliisi okumalawo obumenyi bw'amateeka mu kitundu n’okugunjawo enkola ya mayumbakkumi.

 

More From The Author

Emboozi z’omuwandiisi endala

Emboozi endala

Bobiwine 220x290

Babakutte n'emijoozi gy'abawagizi...

Eggulo abavubuka ba DP bakwatiddwa n’emijoozi egisoba mu 500 ne giyoolebwa okumpi ne ofiisi zaabwe nga kigambibwa...

Pala0 220x290

Boogedde ebikankana mu kuziika...

DR. David Mugimu eyafudde ng’alumiriza abaserikale okumunyagako obulindo bw’ensimbi, eggulo yaziikiddwa e Kagganda...

Occc 220x290

Abagagga 36 baggyiddwaako abaserikale...

ABAGAGGA mu bitundu bya Kampala, Wakiso, Mukono, n’awalala baggyidwaako abaserikale abaabaweebwa eyali akulira...

Nyimba 220x290

Balaze embalirira y’ensimbi z’emisinde...

KATIKKIRO Charles Peter Mayiga yeebazizza minisitule y’ebyobulamu olw’okukwata obulungi ebintu Obwakabaka bye bwagiwa...

Mknsamia4 220x290

Omubaka gwe yazaalamu omwana n'agaana...

Omubaka wa palamenti agaanye okuwa obuyambi omuwala gwe yaggya mu bbaala n’amuzaalamu omwana-yeekubidde enduulu...