TOP

Emberenge zamponya okusabiriza

By Musasi wa Bukedde

Added 30th March 2018

Emberenge nzikolamu amagoba nga ntaddemu kitono, ate ne zintuusa ne ku mulimu omulala mwe nfuna ssente.

Webmberenge 703x422

Kenny Sserwadda ng'atulisa emberenge z'atunda

Bya IVAN SSERWADDA             

Okusiika emberenge gwe gumu ku mirimu egiyingiza ensimbi buli kiseera ng’ate tegwetaaga kwonoonerako maanyi. Omulimu guno gwettaniddwa abantu olw’ensonga nti, tekyetaagisa kifo kinene okugukola era abasinga bakolera ne ku mbalaza z’ebizimbe, ku makubo n’awalala awafunda.

Kenny  Sserwadda omutuuze w’e Bwaise ng’akolera ku luguudo lwa Kawempe - Ttula, asiika emberenge yagambye nti okutandika omulimu guno weetaaga akuuma akagula 300,000/-, wadde abamu bakozesa esseffuliya ze babikkako.

Butto ow’ekika kyonna asobola okusiika emberenge.

Ekitundu kya kkiro eky’obuveera obusibwamu emberenge eza 2,000/- babutunda 3,000/- , ate ekitundu kya kkiro ey’obuveera obutono obusibwamu eza 1,000/- egula 1,800/-.

Kkiro ya kasooli wa nayirooni asiikibwa egula 5,000/-.

Ate akuuma kasobola okukozesa amasanyalaze ga 5,000/- olunaku.

Sserwadda olunaku asiika kkiro 10 era olunaku akozesa liita za butto 4 nga zigula 20,000/-.

Ng’aggyeeko by’akozesa byonna asobola okufissa 20,000/- olunaku.

Ebisinga okumusoomooza mu mulimu  guno

  1. Ebiseera ebimu amasannyalaze gavaako, ate nga tewali kiyinza kukolebwa nga tegaliiko.
  2. Akuuma kamanyi okucamuka ne kasiriiza emberenge.
  3. Emberenge tezisobola kukuwa kaagaanya kukola mulimu mulala olw’ensonga nti ziggyiira mu ddakiika ntono bw’ozigayaalirira zisiriira mangu.
  4. Oluusi nayirooni ayinza okuba nga teyakala bulungi, emberenge ne zigaana okubaluka n’ofiirwa.

Ebirungi by’afunye mu mulimu guno

1 Afunyeemu ssente ezimusobozesezza okutandika okwekolera obuuma obubwe  bw’aguza abalala.

2. Omulimu guno gumuyambye okubeerako ne ky’akola buli kiseera n’atalowooza ku bitamuzimba.

3. Asobola okwebeezaawo n’abantu be b’alabirira.

 

 

 

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...