TOP

Ab’e Kira bafunye akatale k’abalimi akapya

By Musasi wa Bukedde

Added 7th April 2018

Akatale akapya akanaabeeramu abasuubuza ab’ebirime e Kira kawadde abalimi essuubi ery’okuyingiza ku ssente eziwera mu nsawo olw'omutindo kwe kazimbiddwa.

Webkamadahsserubuirisentebewakatalengaalagaemidaalaegizimbibwa 703x422

Ssentebe Sserubiri ng'alaga akatale akazimbibwa e Kira

 

Bya Tonny Kayemba

Abasuubuzi n’abatuuze mu munisipaali y’e Kira bafunye akamwenyumwenyu ku matama oluvannyuma lw’okufuna akatale k’abalimi akapya akatuumiddwa Kira Farmer’s Market nga  kaakusuubuza ebirime mu butale obulala okwegatta ku ka Kireka Farmer’s Market  akabaddewo kokka.

Kamadah Sserubiri, Ssentebe w’akatale kano annyonnyodde nti, basazeewo okutandika akatale kano olw’abasuubuzi abangi ababadde bakolera mu bifo eby’enjawulo awabade obutale  omuli Park Yard, akatale k’e Kasubi n’awalala gye bagobedwa nga baagala okukulaakulanya ebifo mwe babadde bakolera nga tebakyalina waakukolera.

Agambye nti, balina ettaka eriweza yiika 3 lye batandise okuzimbako emidaala egy’omulembe 2000  abasuubuzi we bagenda okukolera  ku bbeeyi eya wansi.

 Mu kiseera kino, abasuubuzi bakyali batono  naye basuububira okuweza abasuubuzi abasoba mu 400  ssinga omulimu gw’okuzimba akatale guggwa mu mwezi ogwomusanvu omwaka guno.

Ategeezezza nti, akatale kano kagenda kubeerako ebifo ebiwerako omuli awasimbibwa emmotoka, ekyuma ekinnyogoza ebirime bireme okwonooneka, awakuumirwa ebirime obutabbibwa, ekifo awakuumirwa abaana n’ebirala eby’omulembe ebyetaagibwa mu katale okwanguyiza bakasitoma n’abakolerawo.

 

 

 

 

 

More From The Author

Emboozi z’omuwandiisi endala

Emboozi endala

Lab2 220x290

Engeri gy’olina okwewala okuferebwa...

Engeri gy’olina okwewala okuferebwa ku ttaka n’okufi irwa ebyobugagga byo

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja